केपी शर्मा ओली नेतृत्वका मन्त्रीहरुले सहसचिवहरुको आन्तरिक सरुवा तिव्र पारेका छन् । अर्थ मन्त्री बिष्णु पौडेल पछि गृहमन्त्रीले गृहका कर्मचारीहरुको आन्तरिक सरुवा गरेका छन् ।
गृहमन्त्री रमेश लेखकले मन्त्रालयका कर्मचारी प्रशासन महाशाखाका प्रमुख परिवर्तन गरेका छन् । मन्त्री लेखकले झक्क प्रसाद आचार्यलाई कप्र महाशाखाबाट नीति योजना, अनुगमन तथा मूल्याङ्कन महाशाखामा सारेर उक्त महाशाखामा छवि रिजाललाई ल्याएका छन् ।
बिज्ञापन
सहसचिव रिजाल यस अघि चितवन स्थित सिमलताल दुर्घटना अध्ययन कार्यदलको संयोजन गरेका थिए । यसअघि प्रशासन महाशाखा प्रमुख रहेका झक्क प्रसाद आचार्यलाई यसअघिका उपप्रधान एवं गृहमन्त्री रवि लामिछानेले आचार्यलाई प्रशासन महाशाखा प्रमुखको जिम्मेवारी दिएका हुन् ।
बिज्ञापन
यस अघि अर्थ मन्त्रालयका सचिव परिवर्तन गरिएसँगै सहसचिवहरुको जिम्मेवारी हेरफेर गरिएको थियो । जसमा मन्त्रालयमै सबैभन्दा आकर्षक मानिन्छ बजेट तथा कार्यक्रम महाशाखा,उक्त महाशाखामा अर्थकै भाग्यमानी सहसचिव श्रीकृष्ण नेपालले अवसर पाएका छन् । उनलाई अन्तर्राष्ट्रिय आर्थिक सहायता समन्वय महाशाखाबाट बजेटमा सारिएको हो । नेपाल यस अघि २०७९ पुस १० गते अर्थमन्त्री भएपछि विष्णु पौडलले २०७९ माघ १८ गते श्रीकृष्ण नेपाललाई अन्तर्राष्ट्रिय आर्थिक सहायता समन्वय महाशाखा प्रमुखको जिम्मेवारीमा थिए ।
०७४ सालमा वाम गणबन्धनको सरकारबनेपछि २०७८ बैशाखसम्म नेपाल अन्तर्राष्ट्रिय आर्थिक सहायता समन्वय महाशाखा प्रमुख थिए । २०७७ सालमा नेपाललाई सुदूरपश्चिम प्रदेशको आर्थिक मामिला मन्त्रालयमा सरुवा हुँदा उक्त सरुवा बदर गर्न लगाएका उनी अर्थका पावरफुल सहसचिवमा चिनिन्छन् । काँग्रेसका अर्थमन्त्री हुँदा समेत उनले काँग्रेसीलाई रिझाएर त्यही टिक्न सफल भएका उनी एमालेको सरकार आएसँगै बजेट महाशाखाको जिम्मेवारी पाएका हुन ।
बिज्ञापन
त्यस्तै मन्त्रालयको राजस्व व्यवस्थापन महााशाखामा रहेका धनिराम शर्मालाई भने अन्तर्राष्ट्रिय आर्थिक सहायता समन्वय महाशाखामा पठाइएको छ। अर्थ मन्त्रालयले विभिन्न विभागका सहसचिवहरुको सरुवाको आन्तरिक तयारी गरिरहेको छ ।
