झण्डा हल्लाउँदै हिड्ने मन्त्रीका पनि आफ्नै दुःख ! केपी ओलीको निकट भएकै कारण मन्त्री त पाए तर मन्त्रीमात्र भएर मात्र नहुने, क्वार्टर राम्रो फेला नपर्दा अरुले त हेप्थे नै प्रकृतिले पनि हेप्यो ! बल्ल तल्ल फेला पारेको क्वार्टर पनि बर्खायाममा पानी पसेर कोठा नै हिलाम्मे बनाइदिएसँगै मन्त्रीको दुख शुरु भयो । रमिता मच्चियो अस्ति पुल्चोकमा ।
राम्रा र सुविधासम्पन्न भवन जति अरुले कब्जा जमाएपछि प्रधानमन्त्री केपी शर्मा ओलीकै जिल्लाबासी भौतिक पूर्वाधार मन्त्री देवेन्द्र दाहालको भागमा परेको थियो ब्लक सी । यस अघि पम्फा भुसाल उर्जामन्त्री हुँदाकै घटना यस पटक पनि दोहोरियो । उक्त क्वार्टरमा पानी छिरेर हिलाम्य बनाइदिएसँगै हो हल्ला मच्चिने नै भयो । गत विहिबार परेको मुसलधारे बर्षाले मन्त्रीको क्वार्टरका कार्पेट,गलैचा लगायतका भिज्न बाँकी बस्तु केही रहेनन् । क्वार्टरका एउटा कोठाका सबै सामाग्री भिजेर काम नलाग्ने भएसँगै शहरी विकास मन्त्रालय मातहतको निकायले रातारात भौतिक पूर्वाधार मन्त्री देवेन्द्र दाहाललाई भोलिपल्टै पुल्चोकबाट भैसेपाटीस्थित एफ टु ब्लकमा सिफ्ट गराइएको छ ।
बिज्ञापन
पुल्चोकस्थित मन्त्री क्वार्टरमा १९ वटा ब्लक छन् । विरेन्द्र राजा हुनेबित्तिकै बनेका ‘ए’ र ‘बी’ ब्लक तीन दशक अघि ‘सी’ र ‘डी’ ब्लक छ । त्यहाँ १२ मन्त्रीहरु बस्दै आएका छन् । बाँकी ५ मन्त्री सैबु,भैसेपाटी र चार जना मन्त्री आफ्नै निवासमा बस्दै आएका छन् । अर्थमन्त्री विष्णु पौडेल घर नजिकै भैसेपाटी क्वार्टरमा सी फोर ब्लकमा बस्न थालेका छन् । यस अघि स्वास्थ्य तथा जनसंख्या मन्त्री रहेका र अहिले खानेपानीमा सिफ्ट भएका प्रदीप यादव अघिल्लो सरकारकै पालामा भैसेपाटीस्थित संघीय मन्त्री आवास भैसेपाटीमा बस्दै आएका छन् । प्रदीप इ फोर र वन तथा वातावरणबाट अहिले महिला बालबालिका मन्त्री बनेका नवलकिशोर साह सुडी ए वान ब्लकमा बस्दै आएका छन् । यस्तै संघीय मामिला तथा सामान्य प्रशासन मन्त्री राजकुमार गुप्ता ए टु बल्कमा बस्न थालेका छन् । त्यहाँ प्रतिनिधि सभाको उपसभामुख इन्दिरा राना साउन पहिलो साता डी वान ब्लकमा सार्ने तयारी थियो तर यो बीचमा उनको काण्ड बाहिर आएसँगै भैसेपाटी सर्ने काम रोकिएको छ ।
बिज्ञापन
यता आफ्नै घरमा बस्ने मन्त्रीहरुमा उपप्रधान तथा शहरीमन्त्री प्रकाशमान सिंह,परराष्ट्रमन्त्री आरजु राणा,श्रम रोजगार तथा सामाजिक सुरक्षा मन्त्री शरदसिंह भण्डारी र उर्जामन्त्री दिपक खड्का रहेका छन् । यस्तै,पुल्चोकस्थित मन्त्री क्वार्टरको डी वान ब्लकमा सञ्चार तथा सूचना प्रविधिमन्त्री पृथ्वीसुब्बा गुरुङ्ग,डी फाइभमा गृहमन्त्री रमेश लेखक,भूमि मन्त्री बलराम अधिकारी बी थ्री,उद्योगमन्त्री दामोदर भण्डारी सी थ्री,युवा तथा खेलकुदमन्त्री तेजुलाल चौधरी ए वान,स्वास्थ्यमन्त्री प्रदीप पौडेल ए फोर,कानुनमन्त्री अजयकुमार चौरासिया ए टु,संष्कृति,पर्यटनमन्त्री बद्री पाण्डे बी वान,कृषिमन्त्री रामनाथ अधिकारी सी फोर,शिक्षामन्त्री विद्या भट्टराई ए थ्री ब्लकमा बस्दै आएका छन् ।
यस्तै,रक्षामन्त्री मानवीर राई सी फाइभ र वन तथा वातवरणमन्त्री ऐनबहादुर शाही ए फाइभ ब्लकमा बस्दै आएका छन् । पुल्चोकस्थित मन्त्री क्वार्टरमा बस्दै आएका मन्त्रीहरुलाई दशैं अगावै भैसेपाटी सारेर यी क्वार्टरमा सर्वाेच्चका न्यायधीशहरुलाई सार्ने तयारी भइरहेको छ ।
बिज्ञापन
