पछिल्लो समय पहुँचका आधारमा प्रशासकहरुले धमाधम राजनीतिक नियुक्ति खान थालेका छन् । जस्तो हालैमात्र पूर्व मुख्य सचिव लोकदर्शन रेग्मीलाई अमेरिकाका लागि राजदूत नियुक्ति सिफारिस भएका छन् । यस्तै मुख्य सचिव हुने लाइनमा रहेका तर लोकदर्शन रेग्मीकै कारण मुख्य सचिव बन्ने अवसर नपाएका चन्द्र घिमिरेलाई बेलायमा राजदूत नियुक्ति सिफारिस भएका छन् । पूर्व मुख्यसचिव रेग्मी चाकडी कलामा माहिर प्रशासकका रुपमा चिन्छन,उनका सहपाटी तथा सहकर्मीहरु । उनी एमालेको कोटाबाट अमेरिकाको राजदूत सिफारिस भएका छन् । यस अघि रेग्मीले २२ असोज २०७७ मा अवकाश हुँदै गरेका शंकरदास वैरागीलाई मुख्यसचिव बनाउने गरी सेटिङ्गमा सहयोग गरेका थिए । ओलीको सेटिङ्ग अनुसार शंकरदास बैरागीलाई मुख्यसचिव बनाउन सहयोग गरे वापत्त उनले किस्तिमा बेलायतको राजदूत पाएका थिए । कंथ रेग्मीले पूरै कार्यकाल मुख्य सचिव चलाएका थिए भने चन्द्र घिमिरे मुख्य सचिव बन्दथें । घिमिरेलाई जानाजान मुख्यसचिव बन्नबाट रोकेका रेग्मीले दोश्रो पटक चन्द्र घिमिरेको भाग खोसेको चर्चा शुरु भएको छ ।
बिज्ञापन
सेटिङ्गमा शंकरदास बैरागीलाई मुख्यसचिव बनाएर ९ महिना बेलायतको राजदूत खाएका रेग्मीले यस पटक पनि चन्द्र घिमिरेलाई अमेरिकाको राजदूत हुनबाट रोके । चन्द्रलाई बेलायत पठाएर आफू अमेरिकाका लागि सिफारिस हुन सफल भएका छन् । यस अघि एमाले माओवादी सरकार हुँदा लोकदर्शनलाई भारत,चन्द्र घिमिरेलाई अमेरिकाका राजदूत सिफारिस गरिएको थियो । यस अघि राजदुतका रेग्मीको नामै तोकेर दक्षिणले मागेको केही पूर्व प्रशासकहरु स्मरण गर्दैछन् ।
बिज्ञापन
यस्तै विवादै विवादमा जोडिएका सचिव हुन रमेश सिंह । शहरीमा हुँदा अनेकन काण्डमा जोडिएका सिंहलाई राष्ट्रिय योजना आयोगको सदस्य नियुक्त गरेको छ । यस्तै स्वास्थ्य मन्त्रालयमा हुँदा आर्थिक अनियमितताको विषयमा मुछिएका आरपी विच्छाले यस्तै लाभको पद हात पारिसकेका छन् ।
धेरै भएको छैन,बहालवाला सचिवलाई राजीनामा दिन लगाएर केन्द्रीय तथ्यांक विभागबाट महालेखा परीक्षकको कार्यालयमा नियुक्ति दिलाइएको । ५८ बर्षे वा ६० बर्षे उमेरहद लागेर घर फर्किन लागेका प्रशासकहरुले जागिर अवधि बाँकी रहँदै पदबाट राजीनामा दिएर राजनीतिक नियुक्ति भेट्न थालेका छन् । यो भीडमा लोकसेवा अध्यक्ष माधव रेग्मी,माधव बेल्वासे,वीर बहादुर राईहरुको नाम आउँछ ।अहिले अधिकांश आयोग,निकायमा नियुक्ति भेटेकाहरुमा पूर्व सचिव,सह सचिवकै बाहुल्यता छ । तीमध्ये अधिकांश ६० बर्ष नाघेकाहरु छन् पूर्व सचिव उमेशप्रसाद मैनाली रिटायर्ड पछि लोकसेवा आयोगमा एक कार्यकाल अध्यक्ष खाएर विदा लिइसकेका छन् । घर फिर्ता भएसँगै त्यहाँ पूर्व सचिव माधवप्रसाद रेग्मीले नियुक्ति पाए । रेग्मी स्थानीय विकास, राष्ट्रिय सतर्कता केन्द्र, वाणिज्य तथा आपूर्ति, लोक सेवालगायत निकायहरूमा काम गरेर अवकाश प्राप्त व्यक्ति हुन उनी ।
बिज्ञापन
पछिल्लो समय संवैद्यानिक निकायहरु बृद्धाश्रमजस्तै बनेका छन् । अवकाश प्राप्त कर्मचारीहरुलाई थन्काउने थलोमा परिणत भएका छन् ती निकायहरु । जस्तो स्टाफ कलेजको प्रमुखका रुपमा अवकाशप्राप्त सचिव राजन खनाल,लोकसेवा आयोग हुँदै प्रधानमन्त्री तथा मन्त्रिपरिषद्को कार्यलयमा पुगेका आनन्दराज ढकाल पनि उसैगरी अवकाश पछि स्टाफ कलेजमा जागिर खान पुगेका छन् ।
गृहसचिवबाट अवकास पाएका प्रेम कुमार राई अहिले अख्तियार दुरुपयोग अनुसन्धान आयोगको कमाण्ड गरिरहेका छन् । जागिर अवधि बाँकी रहँदै त्यहाँ राष्ट्रपतिको कार्यलयबाट डा हरि पौडेलले उसैगरी नियुक्ति भेटेका छन् । यस्तै गण्डकी प्रदेशमा कार्यरत बिष्णु नेपालले अवकाशकै भोलीपल्टै गण्डकी प्रदेश लोकसेवा आयोगका अध्यक्ष खाए । जागिरे जीवनभर प्रधानमन्त्री र मन्त्रीका एसम्यान भएर काम गरेका कर्मचारीहरुलाई पटक पटक काखि च्यापेर राजनीतिक नियुक्ति पाइरहेका छन् । त्यसको उदाहरण त दिनेश थपलियालाई हेर्दा हुन्छ । उनी निर्वाचन आयोग हाँकिरहेका छन् ।
अक्सरलाई छाडेर जस्ले जागिरे जीवनमा जागिर खाने बाहेक खासै केही देन दिन सकेका छैनन् । त्यस्ता प्रशासकलाई टपक्क टिपेर फेरि संवैद्यानिक निकायको कमाण्डर बनाएर पठाउँदा परिणाम कस्तो आउला ? पूर्व प्रशासक नविन घिमिरेलाई टिपेर अख्तियारको प्रमुख बनाइएको थियो । उनको कार्यकालमा एक हजार घुस खानेलाई मर्न बाध्य बनाए । अर्बौ भ्रष्टाचार गर्नेका फाइलहरु तामेलीमा राखिदिए । महालेखापरीक्षक खाएर घर गएका टंकमणि शर्मा हुन वा चीनको राजदुत भएर फर्किएका लीलामणि पौडेल वा कृष्णहरि बाष्कोटा, बालानन्द शर्मा,लवदेव अवस्थि,शान्तराज सुवेदी,पुष्पराज कँडेल,माधव पौडेलसम्म पूर्व प्रशासक पटक पटक अवसर पाउनेमा पर्दछन् ।
पूर्व मुख्य सचिव विमल कोइराला चाहिँ यसमा नियुक्त हुन खोज्नेभन्दा पनि आफू निकटलाई नियुक्त गर्ने राजनीतिक नेतृत्व बढी जिम्मेवार दोषी देख्छन् । व्यक्तिको क्षमता नहेर्ने, भक्ति हेर्ने परिपाटी मौलाउदा अहिले योग्य मान्छे पाखा लाग्दै गएको चिन्ता पोख्छन् उनी ।
