सर्वाेच्च अदालत परिसरभित्रै लोकसेवा तयारी कक्षा चलाएपछि विवाद शुरु भएको छ । यस्तो यस्तो कक्षा शुरु गरेको हो,एमाले निकट निजामती कर्मचारी संगठन,सर्वोच्च अदालतले । संगठनले न्यायालयको सर्वोच्च थलोमा मोटो रकम असुलेर कोचिङ कक्षा शुरु गरेको भन्दै तालाबन्दी गरिएको छ ।
बिज्ञापन
नेकपा एमालेनिकट नेपाल निजामती कर्मचारी संगठन, सर्वोच्च अदालत विभागीय कार्यसमितिले आजदेखि सञ्चालन गरेको लोकसेवाको तयारी कक्षालाई लिएर विवाद निम्तिएको छ । सर्वोच्चको एनेक्स भवनको सभाहलमा बिहान साढे ६ बजेदेखि साढे ८ बजेसम्म न्याय सेवाको लोकसेवा तयारी कक्षा सञ्चालन गरिएको थियो । सर्वोच्च प्रशासनले लाखौं रुपैयाँ खर्चिएर हालै मर्मत गरेको भवन कुनै संगठनको पैसा कमाउने ठाउँ बनेको जनाउँदै विरोध गर्दै तालाबन्दी गरेको
बिज्ञापन
संगठनले ५० जनाको सिट संख्या नै निर्धारण गरेर कक्षामा सहभागी हुन साढे १३ हजार रुपैयाँ शुल्क तोकेको छ । लोकसेवा आयोगबाट लिइने नेपाल न्याय सेवा (न्याय, कानून र सरकारी वकिल समूह) उपसचिव पदको प्रथम र द्वितीय दुवै पत्रको तयारी कक्षा सञ्चालन हुने र सहभागिताका लागि भर्ना शुल्कवापत साढे १३ हजार रुपैयाँ तिर्नुपर्ने उल्लेख छ ।सोको विरुद्धमा नेपाल राष्ट्रिय कर्मचारी संगठनले तालाबन्दी गरेको छ।
व्यापारिक प्रयोजनार्थ ट्युसन सेन्टर संचालन गर्न दिएको विरोधमा सर्वोच्चका मुख्य रजिष्टार देवेन्द्रराज ढकाल मौखिक गुनासो गरेपनि त्यसको सुनुवाई नभएपछि ताला लगाउनु परेको माओवादी केन्द्र निकट नेपाल राष्ट्रिय कर्मचारी संगठनको भनाइ छ।
बिज्ञापन
