सरकारले विभिन्न १९ देशका लागि राजदूत सिफारिस गरेको छ । सोमबार बसेको मन्त्रिपरिषद् बैठकले छिमेकी देशहरु भारत र चीनसहित विभिन्न १९ मुलुकका लागि राजदूतको नाम सिफारिस गर्ने निर्णय गरेको छ । जसमा केही पूर्व सचिवहरु,एनजीओकर्मीहरु परेका छन् ।
सूची अनुसार,भारत– शंकर शर्मालाई निरन्तरता दिइएको छ । शर्मालाई यस अघि पुष्पकमल दाहाल नेतृत्वमा रहेको एमाले–माओवादी गठबन्धन सरकारले फिर्ता बोलाउने निर्णय गरेको थियो । तर सरकार परिवर्तन भएर केपी शर्मा ओलीको नेतृत्वमा कांग्रेस–एमालेको समीकरण भएसँगै राजदूत शर्मालाई निरन्तरता दिएको हो ।
यस्तै
अमेरिकामा पूर्व मुख्यसचिव लोकदर्शन रेग्मी सिफारिस भएका छन् । यस्तै चीनका राजदूत बिष्णुपुकार श्रेष्ठलाई फिर्ता बोलाएर त्यहाँ भापाली कृष्णप्रसाद ओली,बेलायतमा पूर्व सचिव चन्द्रप्रसाद घिमिरेलाई पठाइने भएको छ ।अघिल्लो सरकारको पालामा एमालेले भाग पाएको अमेरिकामा पूर्वसचिव घिमिरेलाई पठाउन सिफारिस गरिएको थियो । प्रचण्ड नेतृत्वको सरकार ढलेपछि एमालेले घिमिरेलाई बेलायततिर धकेल्दा अमेरिकामा भने लोकदर्शन रेग्मीलाइ सिफारिस गरिएको छ । यस्तै जर्मनीमा शैल रुपाखेती,साउदी अरब– नरेशविक्रम ढकाल,इजरायल– धनप्रसाद पण्डित सिफारिस भएका छन् भने दक्षिण अफ्रिका– कपिलमान श्रेष्ठ,दक्षिण कोरियामा– शिवमाया तुम्बाहाङ्फेलाई पठाउने भएको छ । उनी पूर्वमन्त्री समेत हुन । यस अघि एमालेको कोटामा यसअघि सुशील प्याकुरेललाई पठाउन सिफारिस भएको थियो । तर प्याकुरेलले अस्वीकार गरेका थिए । यस्तै,पोर्चुगल– प्रकाशमणि पौडेल,पाकिस्तानमा रिता धिताल, अस्ट्रेलिया– कान्ता रिजाल,स्पेनमा सनिल नेपाल, मलेसियामा नेत्रप्रसाद तिमिल्सिना र श्रीलंकामा रामकृष्ण भट्टराई राजदूत नियुक्तिका लागि सिफारिस भएका छन् ।
शक्तिशाली देशका राजदूतको भाग एमालेले लिएको छ । सत्ता गठबन्धनमा रहेको कांग्रेस र एमालेले १८ देशका राजदूत भागवण्डा गर्दा चीन, अमेरिका र बेलायतको राजदूत एमालेले लिएको छ ।