पूर्व मन्त्री वीरेन्द्रकुमार महतोले देशमा सरकारी कार्यालयमा घुसबिना कामै नहुने बताएका छन् । आइतबार प्रधानमन्त्री केपी शर्मा ओलीले संसदमा राखेको विश्वासको मतको प्रस्तावमाथि छलफलमा भाग लिँदै महतोले हिजो मात्र आफ्नो छोराको प्रमाणपत्रका लागि पाँच हजार घुस दिनुपरेको बताएका हुन ।

बिज्ञापन

प्रचण्ड सरकारका वनमन्त्री समेत रहेका उनले भने हाम्रो देशमा भ्रष्टाचारले यति ठूलो जरो गाडेको छ। एउटा सानो उदाहरण दिन चाहन्छु । म भूपू मन्त्री । हिजो शिक्षा मन्त्रालयको सानो ठिमीमा पाँच हजार घुस दिएर आएको छु कसले पत्याउँछ ? ’, उनले भने, ‘ पत्याउनुहुन्छ ? मेरो छोराको सर्टिफिकेट इकुभ्यालेन्ट गर्नुपर्ने थियो । ११ बजे पठाएको ३ बजेसम्म गर्दिएन ।’