भिजिट भिसाको नाममा खेतीपाती रोकिएपछि विचौलियाहरुको छटपटी बढेको छ । वैदेशिक रोजगारीमा जाने नेपालीको संख्या दिनहुँ बढिरहेको छ । मुलुकमा पर्याप्त रोजगारीको अवसर सिर्जना हुन नसक्दा लाखौं युवा विदेशिएका हुन् । यो क्रम घट्नुको सट्टा बढ्दो क्रममा रहेको छ । विदेश जानेको संख्या बढेसँगै मानव तस्करी पनि मौलाएको छ । विदेशको सपना देखाएर, प्रलोभनमा पारेर युवायुवतीलाई गैरकानुनी माध्यमबाट विभिन्न मुलुक पठाइने काम रोक्न गृह लगायतका निकायले कडाई गरेपछि विचौलियाहरुको छटपटी बढेको बताइएको छ ।
बिज्ञापन
मानव तस्करीको एउटा गतिलो माध्यम बनेको छ ‘भिजिट भिसा’ । सेटिङ्गमा भिजिट भिसामा सर्वसाधारणलाई विदेश पठाइएको र मानव तस्करी गरेको आरोपमा केही समयअघि त्रिभुवन अन्तर्राष्ट्रिय विमानस्थलको अध्यागमन कार्यालयका केही अधिकृत र ट्राभल एजेन्सीका सञ्चालकहरु पक्राउ परेपछि यो तथ्य बाहिर आएको हो । यही प्रकरणमा पक्राउ परेकाविरुद्ध अदालतमा मुद्दा चल्यो । पक्राउ परेकामध्ये अधिकांश सात लाख धरौटी बुझाएर छुटेका थिए । यसरी पक्राउ परेकाहरु सेटिङमा छुटेसँगै त्यहाँ रहेका कर्मचारीहरुले यस्तो धन्दा र खेतीपाती फेरि जारी राखेका छन् ।
बिज्ञापन
गृह मन्त्रालयले तयार पारेको ६ बुँदे मापदण्ड लाई लत्याउँदै अध्यागमन कार्यविधि को दफा ३,३ दशमलव १ को गलत व्याख्या गरी यात्रुहरूलाई अनावश्यक हैरानी र दुख दिने र यात्रुहरूले गुनासो यस अघि नै अख्तियार,गृहसम्म पुगेको हो । बुद्ध पूर्णिमाकै राती हिमालयन एयरको उडान नं एच ९७६५ बाट भिजिट भिसामा दुबई जान लागेको केही यात्रुलाई एयरपोर्ट अध्यागमनका एक अधिकृतले यात्रुहरूलाई आवश्यक पर्ने सम्पुर्ण मापदण्ड पूरा गर्दा पनि ३ घण्टासम्म कुराएको तर भित्र कर्मचारी मिलाएका २०० यात्रुलाई सेटिङमा प्रस्थान अनुमती दिएको तर गुनासो तथा उजुरी अख्तियार र गृहमा पुगेर सो उपर अनुसन्धान चलिरहेको छ ।
उता सात बर्षदेखि गृहमै करार सेवामा कार्यरत रहेका एक कम्युटर अपरेटर फन्दामा परे । गृहको कम्युटर अपरेटरका रुपमा कार्यरत निर्मल विष्टलाई पक्राउ गरेसँगै यो प्रकरणको नयाँ नयाँ रहष्य खुलिरहेको अनुसन्धान अधिकारीहरुले जनाएका छन् । विष्टले गृहमन्त्री र सचिवको नाम लिएर भिजिट भिसा धन्दा चलाइरहेको भेटिएपछि उनी प्रहरीको फन्दामा परेका हुन ।
बिज्ञापन
उनले असार २१ मा थाइल्यान्ड हुँदै तेस्रो मुलुक जान लागेका २० जनालाई नरोक्न त्रिभुवन विमानस्थल अध्यागमन कार्यालयका प्रमुख अध्यागमन अधिकृत सुरेश पन्थीलाई टेलिफोनबाट अनुचित दबाब दिएका थिए । गृहमन्त्री र सचिवको नाम बेचेर अनुचित दबाब दिँदै आएका कर्मचारीको बिषयमा थप बुझ्दा उनको कर्तुत सार्वजनिक भएसँगै विष्टलाई पक्राउ गरी गृह सचिव एकनारायण अर्यालले पदबाटै हटाएका छन् । गृहसचिव अर्यालले असार २५ गते विष्टलाई सेवाबाट हटाएसँगै जागिर गुमेपछि थमौतीका लागि गुहार्न पुगेका विष्टलाई मन्त्रालयबाटै पक्राउ गरिएको हो ।
यो प्रकरणमा विष्ट पक्राउ परेसँगै अध्यागमनका केही अधिकृतका नाम उनले पोलेका बताइएको छ । त्यहाँका केही कर्मचारीहरुले बाहिर विचौलियासँग मिलेर यो धन्दा जारी राखेको र भागबण्डा नमिलेपछि एकले अर्काेलाई पोल्ने काम चलिरहेको गृह मन्त्रालयले स्रोतको दावी छ । विचौलियासँग मिलेर यस्तो धन्दा चलाउँदै आएका अध्यागमनकै कर्मचारीको एउटा समूहले अर्काे समूहलाई बाढीचूढी गर्नुपर्ने रकम भागबण्डा नगरेपछि उनीहरुबीचको विवाद चर्किएको अध्यागमन स्रोतले जनाएको छ । भिजिट भिसाको नाममा बदमासी चलिरहेको थाहा पाएपछि यस्लाई कडाई गरेका छन् । यस्कै उपज हो निर्मल विष्ट पक्राउ र निलम्बन प्रकरण ।
आफ्नो खेतीपाती धन्दा सुकेपछि विचौलिया र अध्यागमनकै केही कर्मचारी अध्यागमनका महानिर्देशक कोषहरि निरौला र एयरपोर्टका हाकिम सुरेश पन्थीकै सरुवा गराउने खेलोमा लागेका छन् ।
