प्रधानमन्त्री केपी शर्मा ओलीले नेपाल सरकारका सचिवहरुलाई देशको परस्थिति र आवश्यकताको बोध गर्दै आफ्ना काममा केन्द्रित हुन निर्देशन दिएका छन् । बिहीबार सिंहदरबारमा बधाई ग्रहण गर्दै ओलीले सचिवहरुलाई एक दिन पनि आराम नगरी काम गर्नुपर्ने अवस्था रहेको सम्झाए ।
बिज्ञापन
सरकारको कामबाट जनता सन्तुष्ट हुन नसकेको भन्दै उनले जनताका समस्या बुझेर कार्यशैलीमा सुधार गर्न प्रधानमन्त्रीले निर्देशन दिएको प्रधानमन्त्री कार्यालयका एक अधिकारीले बताए । कार्यक्रममा उनले केही सचिवहरुबाट ब्रिफिङ समेत लिएका थिए । विकास, सुशासन र सामाजिक न्यायमा केन्द्रीत भएर काम गर्नुपर्नेमा प्रधानमन्त्रीको जोड छ । साथै, विकासको गतिलाई अघि बढाउने आफ्नो उदेश्य रहेको भन्दै त्यही गतिअनुसार काम गर्नुपर्ने उनको भनाई छ ।
बिज्ञापन
अधिकांश सचिवहरूलाई सधैं मिटिङमात्रै गर्ने तर उपलब्धिमूलक काम गर्न नसक्ने आरोप लाग्दै आइरहेको छ । छाप छोड्ने र सुकीर्ति फैलने गरी काम गर्ने सचिवहरू औंलामा गन्न सक्ने मात्रै छन् । सो तथ्यलाई राम्ररी बु्झ्नुभएका प्रधानमन्त्री ओलीले सचिवहरूलाई मुलुकमा समृद्धि कायम हुने गरी र जनतामा छाप छोड्ने र आफ्नो सुकीर्ति फैलने गरी काममा खट्न आग्रह गरे । उनले उच्च मनोबलका साथ दिगो विकास कायम गर्ने र जनतामा आशा जगाउने गरी उच्च मनोबलका साथ कार्यथलोमा खट्न सचिवहरूलाई निर्देशन दिए ।
सरकारलाई सफल बनाउने जिम्मेवारी कर्मचारीको पनि हुने भन्दै प्रधानमन्त्रीले बजेट पुगेन भनिरहने र विनियोजित बजेट पनि खर्च नहुने अवस्था हटाउने गरी काम गर्न निर्देशन दिए । प्रधानमन्त्री ओलीले असल नियतका साथ निर्णय गर्न नडराउन आग्रह गर्दै कर्मचारीलाई दुःख दिने नियतका साथ अनुगमनकारी निकायले पनि गतिविधि गर्न नहुने बताए ।
बिज्ञापन
