निर्वाचन आयोगको आयुक्तमा सिफारिस भएका कृष्णमान प्रधानको सुनुवाइ केही दिनका लागि रोकिएको छ । गत असार २ गते संवैद्यानिक परिषद्को बैठकले प्रधानलाई निर्वाचन आयुक्तमा नियुक्तिका लागि सिफारिस गरेको थियो । सोसँगै संसदीय समितिले उनीविरुद्ध उजुरी आह्वान गरेको थियो । सुनुवाइ समितिमा चार वटा उजुरी परेको थियो । जसमा उजुरीकर्ताले गम्भीर बिषय प्रमाणसहित पेश गरेसँगै सुनुवाई प्रक्रिया स्थगित भएको हो ।

प्रधानले यौन दुर्व्यवहार गरेको महिलासँग विहिबार छलफल भएको थियो । प्रधानले जबरजस्ती करणी गरी पीडितलाई ज्यानमार्ने धम्कीसम्म दिए । कानुन समाजको अध्यक्ष रहेका उनै प्रधान पूर्व प्रधानन्यायधीश निकटका हुन र उनैलाई राजनीतिक दलले बोकेर निर्वाचन आयोगमा नियुक्ति सिफारिस गरिएको थियो । उनै प्रधानले यो प्रकरणमा पीडितलाई एक करोड पच्चिस लाख रुपैयाँ रुपैयाँ दिएर घटनाको मिलापत्र गराएको चेकको फोटोकपी नै संसदीय सुनुवाई समितिमा पेश गरेसगै सुनुवाई प्रभावित भएको हो ।