प्रधानमन्त्री पुष्पकमल दाहालले राजीनामा नदिने भएका छन् । वर्तमान गठबन्धन भत्काएर हिजो मध्यराती क्याप्टेन रामेश्वर थापाको चपली हाइटस्थित निवासमा केपी शर्मा ओली र शेरबहादुर देउवाबीच सत्तासाझेदारी गर्ने टुंगो लागेको थियो ।
बिज्ञापन
सोसँगै प्रधानमन्त्री प्रचण्डले राजीनामा दिएर मार्गप्रशष्त गर्ने बताइएको थियो तर प्रधानमन्त्री प्रचण्डले गलेर राजीनामा नदिने र विश्वासको मतको सामना गर्ने भएका हुन । मंगलबार प्रधानमन्त्री निवास बालुवाटारमा बसेको माओवादी पदाधिकारीको आकस्मिक बैठकले राजीनामा नदिई विश्वासको मतको सामना गर्ने निर्णय गरेको हो ।
बिज्ञापन
प्रधानमन्त्रीले गलेर नछोड्ने,गणित शो गर्न जाने, संसद फेस गर्ने र विश्वासको मत लिने तयारी गरेका छन् । उनले सरकारमा सहभागी दलहरूले समर्थन फिर्ता नलिएका कारण राजीनामा नदिएर विश्वासको मत लिने अडान लिएका हुन् ।
प्रधानमन्त्रीजी संविधानअनुसार ३० दिनमा विश्वासको मत लिनुहुन्छ । आज पदाधिकारी बैठकमा यही विषयमा छलफल भएको छ ।
बिज्ञापन
