उपप्रधान तथा गृहमन्त्री रवि लामिछानेले विभिन्न २५ वटा काण्डको छानबिनका लागि शक्तिशाली आयोग बनाउने तयारी भइरहेको बताएका छन् । प्रतिनिधिसभा बैठकमा बोल्दै उनले भ्रष्टाचार नियन्त्रणको काम आफूले निरन्तर गरिरहेको बताए ।
बिज्ञापन
उनले भने कुनै पनि कालखण्डमा भएकामध्ये भ्रष्टाचारका २५ वटा काण्डहरुलाई छानबिन गर्नका निमित्त शक्तिशाली आयोग गठन गर्ने तयारी भइरहेको छ ।मेरो र उसको नभनी सबैका पालामा चर्चामा आएका प्रत्येक प्रकरणको छानबिनका लागि राजनीतिक नेतृत्व तयार हुने र अख्तियार प्राप्त नेतृत्वले राजनीतिक स्वार्थ प्रेरित नभइ निष्पक्ष अनुसन्धान र अभियोजन गर्ने हो भने न्यूनीकरण हुँदै भ्रष्टाचार नियन्त्रण सम्भव रहेको जनाउँदै कुनै पनि कालखण्डमा भएकामध्ये २५ वटा काण्डको छानबिन गर्न शक्तिशाली आयोग गठन गर्ने तयारी भइरहेको गृहमन्त्री लामिछानेले बताए ।
बिज्ञापन
एक पक्षले मात्रै सक्रियताका साथ काम गर्दैमा भ्रष्टाचार नियन्त्रण सम्भव नहुने भन्दै पर्याप्त कानूनी आधार, स्रोतसाधनसहित भएका संरचनाहरुको स्तरोन्नति आवश्यक रहेको उनले बताए ।
उनले भ्रष्टाचारमा संलग्नहरुमाथि कारबाही गर्न निर्मम भएर लाग्ने, कोही पनि बेचैन हुनु नपर्ने बताउँदै भ्रष्टाचारमा संलग्न जोसुकै मानिसहरु भए पनि त्यसमा निर्मम भएर कारबाही गरिने बताए ।
बिज्ञापन
यता काँग्रेसका सांसद प्रदीप पौडेललेगृहमन्त्री लामिछानेको पासपोर्टका विषयमा प्रश्न राख्दा यी दुबै बिषय अदालतमा विचराधीन भएको भन्दै बोल्न चाहेनन् ।
