कृषि तथा पशुपन्छी विकास मन्त्रालय तथा अन्तर्गतका कार्यालयका शाखा अधिकृतहरू एकैचोटि सामूहिक बिदामा बसेका छन् ।उजनीहरुले सचिव विकास सचिव डा दीपककुमार खराल र पशुपक्षी सचिव राजेन्द्र प्रसाद मिश्रलाई सामूहिक बिदा बुझाएका छन् ।
बिज्ञापन
यसरी सामुहिक बिदा बुझाउने अधिकृतहरुको संख्या ४९ जना रहेको छ । कृषिका अधिकृतहरुले गत बिहिबारै दुवै सचिवहरुलाई सामुहिक बिदाको पत्र बुझाएका हुन ।
बिज्ञापन
कृषि मन्त्रालयमा समायोजन भएका कर्मचारीहरूले आफ्नो वृत्ति विकास रोकिएको भन्दै कृषि सचिवलाई सामूहिक बिदा बुझाएका जनाएका छन् ।
बिहिबार विदाको पत्र बुझाएर आजदेखि उनीहरु आन्दोलनमा होमिएका छन् । झन्डै ३५० जना कर्मचारीको वृत्ति विकास रोकिएकाले आफूहरू बिदामा बस्न बाध्य भएको कर्मचारीहरुको भनाई छ ।
बिज्ञापन
२०७५ सालमा कर्मचारी समायोजन गर्दा ३४९ जना कर्मचारीलाई दरबन्दीभन्दा बढी समायोजन गरिएको, १८ देखि २० वर्षसम्म एकै पदमा कार्यरत हुँदा वृत्ति विकास रोकिएको भन्दै उनीहरू आन्दोलित भएका हुन् ।
