सरकारले निजामती सेवाअन्तर्गतका कर्मचारीहरूका ७५४ छोराछोरीलाई शैक्षिक प्रोत्साहन वृत्ति उपलब्ध गराउने भएको छ ।
बिज्ञापन
मन्त्रालयले निजामती कर्मचारीका सन्ततिलाई शैक्षिक प्रोत्साहन वृत्ति उपलब्ध गराउनेसम्बन्धी निर्देशिका, २०७८ अनुसार गत चैत्र १५ गते शैक्षिक प्रोत्साहन वृत्ति व्यवस्थापन समितिको सचिवालयले आवेदन आह्वान गरेको थियो । उक्त प्रक्रियामा सामेल भएर आवेदन दिनेमध्येबाट सचिवालयले ७७३ जनाको प्रारम्भिक नतिजा सार्वजनिक गरेको थियो । मन्त्रालयले गत वैशाख १५ गते निजामती कर्मचारीका सन्ततिलाई छात्रवृत्ति प्रदान गर्न आवेदन आह्वान गरेको थियो। मन्त्रालयले कर्मचारीका सन्ततिलाई १५ दिनभित्र आवेदन दिन आह्वान गरेको थियो । प्रक्रियामा सामेल भएर छनोटमा चित्त नबुझेका तथा गलत विवरण पेश गरेर छनोटमा परेकालाई गुनासो तथा उजुरी दिन भने आह्वान गरिएको छ ।
गुनासो पछि उजुरीपछि १९ जनाको प्रक्रिया नपुगेको भन्दै ती नाम काटेर मन्त्रालयले ७५४ जनाको अन्तिम नामावली प्रकाशन गरेको हो । मन्त्रालयका अनुसार,प्रक्रिया पूरा गरेर आथिएक बर्ष ८०/ ८१ को स्वीकृत कार्यक्रमअनुसार, शैक्षिक प्रोत्साहन वृत्ति उपलब्ध गराउन प्रारम्भिक नतिजा सार्वजनिक गरेको संघीय मामिला तथा सामान्य प्रशासन मन्त्रालय मातहतको सचिवालयले जनाएको छ ।
बिज्ञापन
सरकारले निजामती कर्मचारी सन्तती छात्रवृत्ति शीर्षकमा झण्डै २२ करोड रकम खर्चने भएको छ ।
बिज्ञापन
कसले कति छात्रवृत्ति पाउँछन् ?
२० लाखभन्दा बढी शिक्षण शुल्क लाग्ने भए ५ लाख
१५ देखि २० लाखसम्म शिक्षण शुल्क लाग्ने भए ४ लाख
१० भन्दाबढी १५ लाखसम्म शिक्षण शुल्क लाग्ने भए ३ लाख
५ भन्दाबढी १० लाखसम्म शुल्क लाग्ने भए २ लाख
१ लाखभन्दा बढी ५ लाखसम्म लाग्ने भए १ लाख
१ लाख रुपैयाँभन्दा कम लाग्ने भए शतप्रतिशत छात्रवृत्ति
