संयोग यस्तो परेको छ कि अर्थ मन्त्रालयको बजेट महाशखा चलाएका एक पछाडि अर्काे हाकिम अख्तियारमा तानिदैंछन् । विचौलिया तथा नेताहरुको अभिष्ट पूरा गरिदिए वापत सरकारी कार्यालयमध्येकै महा आकर्षक अर्थको बजेट महाशाखाको हाकिम बन्ने,सो पदमा बहालै हुँदा वा निस्किसकेका चार जना हाकिम अहिले अख्तियार खेप्दैछन् । बजेट महाशाखा यस्तो महाशाखा हो,जो देशैभरका संघ,प्रदेशका सांसद,जनप्रतिनिधिदेखि कर्मचारीहरुसमेत ठोकिने महाशाखा हो । देशको बजेट बनाउने महाशाखामा बसेका चार जना हाकिममध्ये तीनले अख्तियारको मुद्धा खेपेका छन्,एकले सफाई पाइसके,अर्काे एक सहसचिवमाथि समेत अख्तियारको वक्रदृष्टि परिरहेको छ । जति हाकिमहरु यो प्रकरणमा जोडिएर बदनामी खेप्दैछन्,यिनका पछाडि जोडिन्छन् आइटी माफिया खलपात्र छन्,विकल‑सुनिल पौडेल ।
बिज्ञापन
हालैमात्र अख्तियारले १२ जनाविरुद्ध मुद्धा चलाउँदा यस अघि अर्थको बजेट महाशाखामा बसेका बैकुण्ठ अर्याल र निलम्बन अघिसम्म बजेट महाशाखा प्रमुख रहेका रितेश शाक्यलाई प्रतिवादी बनाइएको छ । र,यो पनि विकल पौडेल नै जोडिएको ३८ करोडको भ्रष्टाचार प्रकरण हो । यस अघि नेशनल पेमेन्ट गेटवेमा भएको २५ करोड भ्रष्टाचार प्रकरणमा डामिएका मधु मरासिनी लामो समय अर्थको बजेट महाशाखाको हर्ताकर्ता भएर बसे । गत बर्ष १५ असोजमा मरासिनीसहित नेपाल टेलिकमका हाकिम सुनिल पौडेलसहित ९ जनालाई प्रतिवादी बनाएर भ्रष्टाचार मुद्धा चलाएकोमा विशेषबाट सफाइ पाए । फैसलाको पूर्ण पाठ नआउँदै बैकुण्ठ अर्यालहरुकै सेटिङ्गमा मरासिनी अर्थ मन्त्रालयमै फर्किए । मरासिनी बजेट महाशाखाको हाकिम हुँदा गरेको कर्म वापतको मुद्धा खेपेका थिए । पछि सोही मन्त्रालयमा फर्किन सफल भए ।
बिज्ञापन
अर्थको बजेट महाशाखा चलाएर सचिव हुँदै सेटिङ्गमा मुख्यसचिव भएका बैकुण्ठ अर्याल र रितेश शाक्यलाई अन्तशुल्क स्टिकर प्रकरणका कारण भ्रष्टाचार मुद्धा लागेको छ । जम्मा चार महिनामात्र आन्तरिक राजश्व विभागका महानिर्देशक चलाए रितेशले । उनी अघिका हाकिम शोभाकान्त पौडेलले कलम चोप्न नमानेपछि त्यहाँ विचौलियाको सेटिङ्गमा रितेशलाई महानिर्देशक बनाइएको थियो । काम फत्ये भएपछि चार महिनामै अर्थमा तानेर भुपाल बराललाई हटाएर शाक्यलाई बजेट महाशाखाको हाकिम बनाइएको थियो । एउटा किड्नीले काम नगर्ने,बोनसका जिन्दगी जिइरहेका शाक्य विचौलियाका स्वार्थ अनुसार नाच्दा नराम्रोसँग फन्दामा परेका हुन । लेखा पृष्टभूमिका उनी यस अघि टंकमणी शर्मा छानबिन समितिमा बसेर एनसेललाई कर तिराउन मुख्य भूमिका खेल्नेमध्यका कर्मचारीका रुपमा चिनिन्थें । लेखाबाट प्रशासनतर्फ फड्को मारेर सहसचिव बनेपछि उनी खानेपानी मन्त्रालयमा पुगे । सचिव बन्ने लाइनमा रहेका उनी पनि भ्रष्टाचार मुद्धामा डामिएर निलम्बनमा परेका छन् ।
यही महाशाखामा बसेका अर्काे हाकिम पनि अप्ठ्यारोमा पर्दैछन् । विकलकै स्वार्थ अनुसार नाच्दा नेपाल टेलिकममा सञ्चालनमा रहेको बिलिङ प्रणाली प्रकरणमा बैकुण्ठसँगै भुपाल बराल समेत डामिन लागेका छन् । ९ मंसिर, २०७९ मा नेपाल टेलिकममा सञ्चालक समितिको बैठकले गरेको निर्णयमा भुपाल समेत बदमासीमा मुछिएका हुन । यो निर्णय गर्नेमा अर्थ मन्त्रालयका सहसचिव भुपाल बराल, सञ्चार मन्त्रालयका सहसचिव उत्तरकुमार खत्री, कानून मन्त्रालयका सहसचिव सुशील कोइराला,बोर्डमा साधारण शेयरधनीका तर्फबाट चन्द्र ढकालका दाहिने हात मानिएका अम्बिकाप्रसाद पौडेल र कर्मचारी प्रतिनिधिको रुपमा शंकर लामिछाने पनि सदस्य छन् । भुपाल बजेट महाशाखाबाट आन्तरिक राजश्व विभाग हुँदै अहिले वातावरण विभागमा पुगेका छन् । सचिव बन्ने लाइनमा रहेका उनले विचौलिया विकल पौड्यालहरुको इच्छा अनुसार कलम चोप्दा अहिले तनाव भोग्दैछन् ।
बिज्ञापन
यसैबीच,बजेट महाशाखाका हाकिम रितेशलाई अख्तियार लागेपछि नयाँ हाकिमका रुपमा यस अघि रेणु दाहालको महानरपालिकामा बसेर काम गरेका नरेन्द्र रानालाई नियुक्ति गरिएको छ । रानालाई भरतपुरबाट तानेर अर्थमा भित्र्याइ धितोपत्र वोर्ड समेत हेर्ने जिम्मेवारी दिइएको छ । धितोपत्र वोर्डमा नयाँ हाकिमका रुपमा कर्पोरेट हाउसको स्वर्थ अनुसार सन्तोष श्रेष्ठलाई फिट गर्ने तयारी चल्दैछ,भित्रभित्रै ।
