मन्त्री छन्,स्टण्डबाज,इमान र आर्दशका ठूला कुरा गर्ने तर कर्मचारीहरु भटाभट भित्रिरहेका छन्,भ्रष्टाचार र अनियमिततामा डामिएकाहरु ।
बिज्ञापन
यस्तो दृश्य देख्न पाइन्छ गृह मन्त्रालयमा । हालैमात्र गृहमा ५० लाख घुस काण्डमा डामिएका एक सहसचिवले इन्ट्री पाएका छन्,उनी हुन लालबाबु कवारी । उनी सिराहाको सिडिओ हुँदा उनी जोडिएको ५० लाख घुसकाण्डमा परेका अडियो गृह मन्त्रालयमा पुग्यो । त्यहाँबाट सरुवा भएर सरुवा भएर गोरखा पठाइए,बीच बाटोमा सरुवा उल्टियो । यस अघि उपसचिव हुँदा २० लाख घुस काण्डमा मुछिएर निलम्बनमा परी पछि विशेषबाट सुन पानी छर्किएका कवारीले गृह प्रवेशको अवसर पाएका हुन । अस्ति ३२ सहसचिवको सरुवा हुँदा कवारी लुम्बिनी प्रदेशबाट गृह भित्रिएका छन् ।
बिज्ञापन
यसरी बदनाम सहसचिवहरु गृहमा भित्रिएका कवारी एक्ला होइनन् । बालेन साहले लखेटेका बसन्त अधिकारीले गृहकै ओत पाएका छन् । उनलाई अहिले विपद् प्राधिकरणको हाकिम बनाइएको छ । पोखराका प्रमुख जिल्ला अधिकारी रहेका वासुदेव घिमिरे वैदेशिक अध्ययनमा निस्कने भएसँगै विपद्का हाकिम भरत पाण्डेलाई कास्की खटाएर त्यहाँ बसन्तलाई भित्र्याइएको हो । त्रिवि एयरपोर्टका हाकिम हुँदा प्रहरीसँग लफडामा मुछिएका,यातायातको डिजी हुँदा नक्कली लाइसेन्स प्रकरणमा मुछिएर छानबिन चलिरहेका गोगनबहादुर हमाल अहिले गृहको आन्तरिक व्यवस्थापन महाशाखाको हर्ताकर्ताको कुर्सीमा पुगेका छन् । नक्कली लाइसेन्स प्रकरणमा डामिएका नारायण भट्टराई नारायणकाजी गृहमन्त्री हुँदादेखि गृहमै कार्यरत छन् । राष्ट्रिय परिचपत्रमा भएको हिनामिनामा डामिएका तिर्थराज भट्टराईलाई अहिले कसुरजन्य सम्पत्ति व्यवस्थापन विभागको महानिर्देशकको जिम्मेवारी दिइएको छ । यस्तै,सुन काण्डमा छानबिन समितिले दोषी ठहर गरेका उमाकान्त अधिकारी गृहकै हर्ताकर्ता छन् । सुन काण्डमै छानबिन समितिले दोषी करार गरेका अरुण पोखरेललाई सिडिओको जिम्मेवारी दिइएर खटाइएको छ ।
यता गृहमन्त्री लामिछानेले काठमाडौंका प्रमुख जिल्ला अधिकारी जितेन्द्र बस्नेतलाई हटाउन खोजी रहेका छन् । अघिल्लो बर्ष असार २१ मा जिम्मेवारी सम्हाल्न पुगेका बस्नेतलाई हटाएर त्यहाँ डा भीष्मकुमार भुसाललाई खटाउने तयारी चल्दैछ ।
बिज्ञापन
