विभिन्न इन्ट्रेष्ट ग्रुपका कारण लम्बिदै आएको र आठ बर्षदेखि आउन नसकेको संघीय निजामती सेवा विद्येयक उपरको दफादार छलफल चल्ने कार्यसूची रहेको पहिलो बैठक एनजीओका प्रवेशपछि भाँडिएको छ । राष्ट्रसेवकहरुसग सम्बन्धित ऐन कानुन बनाउने थलोमा एनजीओ प्रवेश पाएपछि संघीय निजामती विद्येयकको मस्यौदा उपरको आजको छलफल भाँडिएको छ ।
बिज्ञापन
आजदेखि संघीय निजामती सेवा विद्येयक उपर दफादार छलफल हुँदैथियो संघीय संसदको राज्यव्यवस्था तथा सुशासन समितिमा । बिहानै डाकिएको बैठकमा गैरसरकारी संस्थाका पदाधिकारी खाजासहित उपस्थित भएपछि प्रतिनिधि सभाको राज्य व्यवस्था तथा सुशासन समितिको आजको बैठक स्थगित भएको छ । आज बिहान ८ बजेका लागि डाकिएको थियो उक्त बैठक ।
बिज्ञापन
झण्डै आठ बर्षदेखि अलपत्र परेको उक्त विद्येयक संसदबाटै दुई साता अघिमात्र राज्यव्यवस्था तथा सुशासन समितिमा पुगेको थियो । झण्डै दुई साता समितिमा थन्काइएको उक्त विद्येयक आज अगाडि बढ्दै थियो । पहिलो बैठकमा समितिले गृहमन्त्री रवि लामिछानेलाई पनि आमतन्त्रण गरेको थियो ।
बैठकको प्रारम्भमै गृहमन्त्री लामिछानेले एनजीओको खाजा खाएर कानुन बनाउने विषय उचित नरहेको बताए । आफू यस्तो छलफलमा नरहने भन्दै गृहमन्त्री लामिछाने बाहिरिए ।
कांग्रेस सांसद हृदयराम थानीका अलवा ईश्वरी न्यौपाने, सरिता प्रसाई, रास्वपा सांसद चन्दा कार्की लगायतले समितिमा ल्याइएको खाजाको बारेमा प्रश्न उठाए ।
एनजीओको खाजा खाएर विद्येयक बनाउँदा राम्रो सन्देश नजाने भन्दै सांसदहरु पनि बाहिरिए उक्त बैठकबाट ।
बिज्ञापन
यसरी मन्त्री र सांसदहरूले खाजाको विषयमा प्रश्न उठाउँदै बैठक नै बहिष्कार गरेपछि समितिको बैठक स्थगित भएको थियो । यो खाजाको प्रायोजन एलएक्सपिटीडी भन्ने संस्था जनसङ्ख्या र विकाससम्बन्धी काम गर्ने संस्थाले गरेको थियो ।
सोही खाजाकै कारण बिषयबस्तुमा प्रवेश नगरी आजको बैठक स्थगित भएको बताइएको छ ।
