लोकसेवा आयोगका अध्यक्ष माधव रेग्मीले संघीय निजामती सेवा ऐन यथाशीघ्र जारी गर्न सरकारको ध्यानाकर्षण गराएका छन् । नयाँ संविधान जारी भएको आठ बर्ष बितिसक्दा समेत प्रशासनिक संघीयता कायम हुन नसकेको र कर्मचारीको मूल कानुन ल्याउन नसकेको बताउँदै उनले यथाशीघ्र संघीय निजामती सेवा ऐन जारी गर्न सरकारको ध्यानाकर्षण गराएका हुन । लोकसेवा आयोगले संविधानपछिको दोश्रो कानुन भनिएको संघीय निजामती सेवा ऐन यथाशीघ्र जारी गर्न सरकारलाई ध्यानाकर्षण गराएको हो ।

आयोगको ७४औं वार्षिकोत्सव समारोहमा बौल्दै लोकसेवा आयोगका अध्यक्ष माधवप्रसाद रेग्मीले संघीय निजामती सेवा ऐन शीघ्र जारी गर्न सरकारलाई ध्यानाकर्षण गराएका हुन ।निजामती सेवाका मूल्य मान्यता र सिद्धान्तको उद्बोध गर्ने संघीय निजामती सेवा ऐन जारी हुन नसक्दा संघ, प्रदेश र स्थानीय तहका कर्मचारी व्यवस्थापनमा कठिनाई परेकाले शीघ्र जारी गर्न सरकारलगायत सम्बद्ध निकायमा ध्यानाकर्षण गराउँदछु’उनले भने, ‘संघीय निजामती सेवा तथा अन्य संघीय सरकारी सेवा र संगठित संस्थाको सेवामा सुधार गर्नुपर्नेलगायत आयोगले आवश्यक देखेका अन्य विषयमा प्रत्येक वर्ष आयोगले वार्षिक प्रतिवेदनमार्फत् नेपाल सरकारलाई दिएको सुझाव कार्यान्वयन गर्न म विशेष अनुरोध गर्दछु।’