गत जेठ १४ मा सम्पत्ति शुद्धीकरण अनुसन्धान विभागको महानिर्देशकको जिम्मेवारी सम्हाल्न पुगेका कमल भट्टराईले दुई साता पछि झण्डै साढे आठ करोड बिगो माग गर्दै काठमाडौं जिल्ला अदालतमा मुद्धा दायर गराएका छन् ।

बिज्ञापन

सरकारले निकै संवेदनशील र महत्त्वपूर्ण मानिएको सम्पत्ति शुद्धीकरण अनुसन्धान विभागको महानिर्देशकको जिम्मेवारी वरिष्ठ सहसचिव कमल प्रसाद भट्टराईलाई दिएर जेठ दोश्रो साता त्यता खटाएको थियो । दुई साताकै अन्तरालमा विभागले चन्द्रदीप राईविरुद्ध ८ करोड ४७ लाखभन्दा बढीको बिगो माग गर्दै सम्पत्ति शुद्धीकरण मुद्दा दर्ता गराएको छ । विभागले बुधवार राईविरुद्ध ८ करोड ४७ लाख ६२ हजार ८८३ रुपैयाँ ९० पैसा बिगो मागसहित जिल्ला अदालत काठमाडौंमा मुद्दा दायर गरेको हो ।