भारतीय प्रधानमन्त्री नरेन्द्र मोदीको शपथ ग्रहण समारोहमा सहभागि हुन भारत प्रस्थान गरेका प्रधानमन्त्री पुष्पकमल दाहाल ‘प्रचण्ड’लाई त्यहँँका कर्मचारीले स्वागत गरेका छन् ।
९ जनाको टोली बोकेर नेपाल वायुसेवाको उडानबाट नयाँ दिल्ली प्रस्थान गर्नुअघि त्रिभुवन अन्तर्राष्ट्रिय विमानस्थलमा उपप्रधानमन्त्रीहरु रघुवीर महासेठ, नारायणकाजी श्रेष्ठ, सभामुख देवराज घिमिरे, राष्ट्रिय सभाका अध्यक्ष नारायण दाहाल लगायतले बिदाई गरेको थियो । उता इन्दिरा गान्धी विमानस्थलमा भारतीय विदेश मन्त्रालयका विशेष सचिव पी कुमारनले स्वागत गरेका छन् ।
बिज्ञापन
बिज्ञापन
प्रधानमन्त्रीको टोलीमा कानुनमन्त्री पदम गिरी, प्रधानमन्त्रीकी छोरी तथा निजी सचिव गंगा दाहाल,परराष्ट्र सचिव सेवा लम्साल,शिष्टाचार महापाल विष्णुप्रसाद गौतम,सहसचिव भृगु ढुंगाना,शिष्टाचार अधिकृत प्रवीण भट्टराईका अलवा प्रमुख सेनानी निरज भण्डारी र प्रहरी नायव उपरीक्षक सिद्धराज न्यौपाने पनि छन् ।
मोदीले तेस्रो कार्यकालको सुरुवात गर्दै गर्दा नेपालसहितका छिमेकी देशमा राष्ट्र प्रमुख र सरकार प्रमुखलाई निमन्त्रणा गरेका छन्। प्रधानमन्त्री प्रचण्ड सोमबार स्वदेश फर्किने छन्।
बिज्ञापन
