नक्कली शैक्षिक प्रमाणपत्र पेश गरी शिक्षकको स्थायी जागिर खाएर भीमकुमार डिसी विरुद्ध अख्तियारले अवकाश पछि भ्रष्टाचार मुद्दा दायर गरेको छ ।
दाङमा अवस्थित श्री प्राथमिक विद्यालय, गलटाकुरी, कौवाघारी, तत्कालीन शिक्षक भीमकुमार डीसीविरुद्ध मंगलबार विशेष अदालत काठमाडौंमा मुद्दा दायर गरिएको आयोगले जनाएको छ ।
बिज्ञापन
स्थायी शिक्षकको रूपमा २०५० असारमा सेवा प्रवेश गरी प्रावि द्वितीय श्रेणीबाट अनिवार्य अवकाश पाइसकेका डिसीले माध्यमिक शिक्षा परिषद् उत्तरप्रदेश, भारतबाट जारी भएको हाईस्कुल तहको नक्कली शैक्षिक योग्यताको प्रमाणपत्र पेश गरी नियुक्ति लिएको भेटिएसँगै अख्तियारले उनीविरुद्ध भ्रष्टाचार मुद्धा चलाएको हो ।
बिज्ञापन
उनीविरुद्ध भ्रष्टाचार निवारण ऐन, २०५९ को दफा १६ (१) बमोजिमको कसुर भएको ठहर गर्दै आयोगले सोही ऐनको दफा १६(१) बमोजिम सजायको मागदाबी गरेको छ ।
नक्कली प्रमाणपत्रका आधारमा सरकारी ओहोदा, लाभ र सुविधा प्राप्त गरेकाले डिसी सजायको भागीदार भएको अख्तियारले जनाएको छ ।
