बिज्ञापन

बिज्ञापन

यस अघि अर्यालविरुद्ध अख्तियारले २०६० मंसिर १० गते मुद्दा दायर गरेको थियो । हदम्याद नलाग्ने भन्दै विशेषका तत्कालीन अध्यक्ष भूपध्वज अधिकारी समूहको इजलासले २०६४ असोज १४ गते उनको मुद्दा खारेज गरिदिएको थियो । त्यसविरुद्ध अख्तियारले सर्वोच्चमा गरेको पुनरावेदनमाथि गत वर्ष पुस १२ गते कल्याण श्रेष्ठ र सुशीला कार्कीको इजलासले विशेषको फैसला उल्ट्याउँदै सुरु तहदेखि मुद्दा हेर्न अर्यालको मुद्दा विशेषमै फर्काइदिएको थियो ।सर्वोच्चको फैसलाअनुसार ६९ वैशाख १२ गते अर्यालविरुद्ध अख्तियारले पुनः विशेषमै मुद्दा दायर गरेको थियो । दायर भएको ७ महिनापछि विशेषले फैसला सुनाउँदै अर्याल भ्रष्ट भएको ठहर गरेको थियो । उक्त फैसला पछि सर्वाेच्चमा पुगेको थियो । सर्वाेच्च अदालतले भने अर्यालको भ्रष्टाचार मुद्दामा असार १० गते फैसला सुनाउने (निसु) मिति तोकेको छ ।

अर्याल २०२२ माघ १७ गते निजामती सेवामा अधिकृतका रूपमा पाइला राखेका हुन । पदोन्नति हुँदै रक्षा सचिव भएका उनको अवकाश ५६ वैशाख २२ मा भएको थियो । सेवा कालमा उनले गुल्मी, मोरङ, झापा र सुर्खेतमा प्रमुख जिल्ला अधिकारी भएर ११ वर्ष बिताएका थिए । उनी निजामती केन्द्रीय सेवा विभागका महानिर्देशकसमेत भएका थिए । ४ वर्ष रक्षा सचिव रहेका थिए ।