प्रधानमन्त्री पुष्पकमल दाहाल ुप्रचण्डुले मन्त्रिपरिषद् पुनर्गठनको तयारी गरेका छन् । नागरिक उन्मुक्ति पार्टी (नाउपा)लाई सरकारमा सहभागी गराउन प्रधानमन्त्री प्रचण्डले मन्त्रिपरिषद् हेरफेर गर्न लागेका हुन्।
बिज्ञापन
नागरिक उन्मुक्ति पार्टीले प्रधानमन्त्रीलाई विश्वासको मत दिएका कारण सरकारमा सहभागी गराउने प्रधानमन्त्रीको तयारी छ । माओवादी केन्द्रबाट मन्त्री बनेकालाई अन्यन्त्र सारेर रञ्जिता श्रेष्ठलाई सरकारमा लैजाने सरकारको तयारी छ ।नाउपालाई एक मन्त्री र एक राज्यमन्त्रीसहित सरकारमा सहभागी गराउन लागिएको हो ।
बिज्ञापन
यस अघि भूमि व्यवस्था मन्त्रालय सम्हालेकी रञ्जितालाई संस्कृति, पर्यटन तथा नागरिक उड्डयन मन्त्रालय लिएर सरकारमा सहभागी गराउन लागिएको हो । माओवादी केन्द्रका हितबहादुर तामाङ अहिले उक्त मन्त्रालय सम्हालिरहेका छन्,उनलाई विना विभागीय मन्त्रीका रुपमा प्रधानमन्त्री कार्यालयमा लैजाने तयारी भइरहेको छ ।
