वाइडबडीको डेढ अर्ब भ्रष्टाचार मुद्दामा मुछिएका पर्यटन मन्त्रालय सहसचिव बुद्धिसागर लामिछानेलाई विशेष अदालतले धरौटी लिएर साधरण तारेखमा छाड्न आदेश दिएको छ ।
बिज्ञापन
अख्तियार दुरुपयोग अनुसन्धान आयोगले गत चैत्र २२ मा २४ अर्ब रुपैयाँका दुई जहाज खरिदका क्रममा एक अर्ब ४७ करोड अर्ब रुपैयाँ ४७ करोड १० लाख ८५ हजार ४८२ रुपैयाँ ८५ पैसा भ्रष्टाचार भएको भन्दै तत्कालीन पर्यटनमन्त्री जीवनबहादुर शाहीसहित ३२ जनाविरुद्ध भ्रष्टाचार मुद्दा चलाउँदा बहालवाला सहसचिव बुद्धिसागर लामिछाने समेत मुछिएका थिए ।
बिज्ञापन
पर्यटन मन्त्रालयको नागरिक उड्डयन महाशाखाका सहसचिव लामिछाने लामो समयदेखि पर्यटन मन्त्रालयमा कार्यरत छन् । अख्तियारले तत्कालीन अवस्थामा नेपाल वायुसेवा निगम सञ्चालक समिति सदस्यका रुपमा रहेका लामिछानेसहित अधिकांशविरुद्ध भ्रष्टाचार मुद्दा अघि बढाएको हो । लामिछानेसँगै भन्सार विभागका तत्कालीन महानिर्देशक एवम् नेपाल वायुसेवा निगमका तत्कालीन सञ्चालक समिति सदस्य शिशिरकुमार ढुङ्गाना, अन्य सदस्यहरू टेकनाथ आचार्य, निमानुरु शेर्पा र मुक्तिराम पाण्डेविरुद्ध पनि भ्रष्टाचार मुद्दा चलाएको छ । संस्कृति, पर्यटन तथा नागरिक उड्डयन मन्त्रालयका सहसचिव तथा नेपाल वायु सेवा संघ सञ्चालक समितिका सदस्य समेत रहेका लामिछाने आइतबार विशेष अदालतमा निवेदनका साथ उपस्थित भएका थिए ।
विशेष अदालतका अध्यक्ष न्यायाधीश टेकनारायण कुँवर, सदस्य न्यायाधीशद्वय रामबहादुर थापा र मुरारीबाबु श्रेष्ठको इजलासले लामिछानेलाई ५ लाख रुपैयाँ धरौटीमा तारेख रिहा गरेको हो । लामिछाने सचिव बढुवा हुने लाइनमा छन् ।
बिज्ञापन
