संघीय मामिला तथा सामान्य प्रशासन मन्त्रालयले १५ उपसचिवहरुको सरुवा गरेको छ । सरुवा भएकामध्ये प्रशासन सेवा सामान्य प्रशासन समूहका १०,इञ्जिनियरिङ सेवातर्फका ४ र शिक्षा सेवाका १ जना रहेका छन् ।
बिज्ञापन
सरुवाको सूची अनुसार,इलाका प्रशासन दाङबाट यज्ञबहादुर बुढा निर्वाचन आयोग अन्तर्गत,कामकाजमा मुख्यमन्त्री तथा मन्त्रिपरिषद् कार्यालय गण्डकी प्रदेशमा कार्यरत रामेश्वर अर्यालललाई सोही प्रदेशको प्रदेश प्रमुखको कार्यालयमा सारिएको छ । यस्तै,महिला आयोगबाट सबिता घिमिरे संष्कृति,पर्यटन तथा नागरिक उड्डयन मन्त्रालयमा,शिक्षा मन्त्रालयबाट रत्मणि भट्टराईलाई प्रधानमन्त्री तथा मन्त्रिपरिषद्को कार्यालय पठाइएको छ ।
बिज्ञापन
माधव राज मरासिनीलाई राष्ट्रिय महिला आयोगमा ल्याइएको छ । अतिरिक्त समूहमा रहेकी गीता गुरुङलाई उपराष्ट्रपतिको कार्यालयमा पठाइएको छ । गृहबाट बलराम ढकाल विज्ञापन वोर्डमा पुगेका छन् भने त्यहाँ कार्यरत निसान राज गौतम गृहमा भित्रिएका छन् । महिला मन्त्रालयबाट नीता शर्मा राष्ट्रिय युवा परिषद्,शिक्षा सेवाका रमेश प्रसाद मैनालीलाई राष्ट्रिय युवा परिषद्बाट शिक्षा मन्त्रालयमै पठाइएको छ । सामान्य प्रशासनबाटै मेघराज पन्त कृषि तथा पशुपक्षी मन्त्रालयमा खटाइएको छ ।
यस्तै प्राविधिकतर्फ ४ उपसचिवहरु सरुवा भएका छन् । जसमा भौतिक मन्त्रालयबाट रामचन्द्र पौडेललाई खानेपानी मन्त्रालय,खानेपानीका सुजन जोजोजुलाई भौतिकमा साििरँदा स्मिता शर्मालाई राष्ट्रिय सतर्कता केन्द्रबाट शहरी र शहरीमा कार्यरत रामकाजी श्रेष्ठलाई राष्ट्रिय सतर्कता केन्द्रमा सरुवा गरिएको छ ।
