अख्तियार दुरुपयोग अनुसन्धान आयोगले मुगुको सोरु गाउँपालिकाका तत्कालीन प्रमुख प्रशासकीय अधिकृत वीरेन्द्र मल्लसहित ८ जनाविरुद्ध भ्रष्टाचार मुद्दा दायर गरेको छ । उपभोक्ता समितिमार्फत सडक निर्माण गर्दा भ्रष्टाचार गरेको भन्दै अख्तियारले तत्कालीन प्रमुख प्रशासकीय अधिकृत,इन्जिनियर, असिस्टेन्ट सव–इन्जिनियर, उपभोक्ता समितिका अध्यक्ष,कोषाध्यक्ष,सचिवका साथैं तत्कालीन वडा अध्यक्षलाई प्रतिवादी बनाएर विशेषमा मुद्धा लगेको हो । अख्तियारले सोरु गाउँपालिका वडा नम्बर ७ मा सडक निर्माण कार्यमा अनियमितता भएको भन्दै अख्तियारले शुक्रबार विशेष अदालतमा मुद्दा दायर गरेको हो ।
बिज्ञापन
अख्तियारले तत्कालीन प्रमुख प्रशासकीय अधिकृत मल्लसहित इन्जिनियर प्रकाश आचार्य र असिस्टेन्ट सव-इन्जिनियर बिक्रम बुढा, सडक निर्माण श्रम समितिका अध्यक्ष हस्तबहादुर बुमी, कोषाध्यक्ष धौली कामी र सचिव केवल बुढासहितविरुद्ध मुद्दा दायर गरिएको आयोगले जनाएको छ । त्यस्तै सोरु गाउँ कार्यपालिका सदस्य एवं अनुगमन समिति संयोजक दलवीर सार्की र वडा नं ७ का तत्कालीन अध्यक्ष राजेन्द्र बुमीलाई पनि अख्तियारले प्रतिवादी बनाएको छ ।
बिज्ञापन
उनीहरूले आर्थिक वर्ष २०७७/७८ मा मुगुको सोरु गाउँपालिका वडा नं ७ मा दाक्च–ख्याल्च सडक निर्माण आयोजनामा उपभोक्ता समितिका पदाधिकारी र प्राविधिकसमेतको मिलेमतोमा सडक निर्माण कार्यमा अनियमितता गरेको अख्तियारले दाबी गरेको छ । नापी किताबमा गलत विवरण उल्लेख एवं कार्यसम्पन्न प्रतिवेदनसमेत तयार गरी सोही प्रतिवेदनका कागजातहरूको आधारमा १३ लाख ७२ हजार ३४९ रुपैयाँ भुक्तानी दिएको पाइएको छ ।
वास्तविकभन्दा कम चौडाइ कायम गरेको, फर्जी प्रतिवेदनका आधारमा भुक्तानी दिएको र निर्माण सम्झौता बमोजिम काम नगरेको अख्तियारले जनाएको छ ।
बिज्ञापन
