कार्यालय सहयोगी नियुक्तिको बिषयलाई लिएर कर्मचारीमाथि कुटपिट,अपशव्द प्रयोग र दुर्व्यहारको घटना भएसँगै धादिङको रुबी भ्याली गाउँपालिकामा कार्यरत कर्मचारीहरु सबै सेवा ठप्प पारेका छन् ।
पालिकाको कर्मचारीहरु माथि वडा सदस्यकै अग्रसरतामा हातपात,कुटपिट र दुर्व्यवहारका घटना भएसँगै उक्त पालिका मातहतका २४ कर्मचारीहरुले सामुहिक विज्ञप्ती जारी गर्दै सेवा ठप्प भएको घोषणा गरेका हुन ।
बिज्ञापन
बुधबार दिँउसो ३ बजेर ४० मिनेट जाँदा पालिकाको स्वास्थ्य शाखा प्रमुखलाई सेर्तुङ आधारभूत अस्पतालमा कार्यलय सहयोगी नियुक्तिको बिषयलाई लिएर रुबी भ्याली गाउँपालिका वडा नम्बर ३ का वडा सदस्य विनोद तमाङको संङ्ग्लनतामा स्थानीय अन्य १२ जना युवाहरुले अपशब्द,अभद्र व्यवहार गर्नुका साथैं बाटो छेकी हातमा ढुङ्गा र लाठी वियरको बोतल बोकेर हातपात गरेसँगै पालिकाका कर्मचारीहरु त्राहीमाम थिए । सोही पालिकाको सामान्य प्रशासन शाखा प्रमुखलाई समेत बारम्बार फोनबाट धम्काएको र नीजि निवासमा जर्वजस्त प्रवेश गरी अपशव्द बोल्नुका साथैं अभद्र व्यवहार र हातपात गरेको घटनाप्रति रुबी भ्याली गाउँपालिकाका कर्मचारीहरुले खेद प्रकट गरेका हुन ।
बिज्ञापन
यस घटनामा संग्लग्न व्यक्तिलाई अभिलम्ब कारवाही गर्ने प्रमुख जिल्ला अधिकारी र जिल्ला प्रहरी प्रमुख समक्ष कर्मचारीहरुले माग समेत राखेका छन् । कार्यालयका कर्मचारीहरु असुरक्षित रहेको,काम गर्ने वातावरण समेत नभएको कारण सुरक्षाको प्रत्याभूति र काम गर्ने वातावरण नभएसम्म गाउँपालिका,वडा कार्यालय र सम्पूर्ण स्वास्थ्य संस्था बन्द गरिएको कर्मचारीहरुले विज्ञप्ती मार्फत जनाएका छन् ।
बिज्ञापन
