विशेष अदालतले गैरकानूनी सम्पत्ति आर्जनको मुद्दामा पशुपति विकास कोषका तत्कालीन सदस्य सचिव डा प्रदीप ढकाललाई सफाइ दिएको छ । बुधबार विशेषले उनलाई सफाइ दिने फैसला गरेको हो ।
बिज्ञापन
अख्तियार दुरुपयोग अनुसन्धान आयोगले गत वर्ष ११ असारमा ढकालविरुद्ध मुद्दा दायर गरेको थियो । अख्तियारले ढकालविरुद्ध गैरकानूनी सम्पत्ति आर्जनको अभियोगमा भ्रष्टाचार मुद्दा दायर गरेको थियो । अख्तियारले दायर गरेको मुद्धामा उनीमाथि १ करोड ४४ लाख ११ हजार रुपैयाँ स्रोत नखुलेको सम्पत्ति आर्जन गरेको अभियोग लगाइएको थियो । ०७४ साउन ३२ देखि २०७९ साल जेठ ३० गतेसम्म कोषको सदस्य सचिव हुँदा सो अवधिमा ढकाल र उनका परिवारको बैंक खातामाथि अनुसन्धान गर्दा वैध आय ६ करोड ३९ लाख रुपैयाँ आर्जन गरेका उनले ७ करोड ८४ लाख रुपैयाँको सम्पत्ति जोडेको देखिएको भन्दै अख्तियारले उनीमाथि एक करोड ४४ लाख रुपैयाँ विगो मागदावी गरी भ्रष्टाचार मुद्दा दायर गरेको हो ।
बिज्ञापन
अख्तियारले सदस्य सचिव ढकालले चार वर्षको अवधिमा एक करोड ४४ लाख रुपैयाँभन्दा बढी गैरकानूनी स्रोतबाट आर्जन गरेको दाबीसहित मुद्दा दायर गरेकोमा विशेषका अध्यक्ष टेकनारायण कुँवर तथा सदस्यहरु रामबहादुर थापा र रितेन्द्र थापाको इजालसले यस्तो फैसला गरेको हो । ढकालले यस अघि जलहरी प्रकरणमा पनि सफाइ पाइसकेका छन् ।
बिज्ञापन
