सङ्घीय निजामती सेवा विधेयक २०८० लाई दफावार छलफलका लागि संसदको राज्यव्यवस्था तथा सुशासन समितिमा पठाइएको छ । मंगलबार बसेको प्रतिनिधि सभा बैठकमा सङ्घीय मामिला तथा सामान्य प्रशासन मन्त्री भानुभक्त जोशीले सो विधेयक दफावार छलफलका लागि सम्बन्धित समितिमा पठाइयोस् भनी प्रस्ताव प्रस्तुत गरेका थिए । सभामुखले निर्णयार्थ प्रस्तुत गर्दा सर्वसम्मतिले स्वीकृत भएको छ ।

बिज्ञापन

गत चैत्रमा उक्त विद्येयक दफादार छलफलका लागि संसदको राज्यव्यस्था समितिमा पठाउने तयारी थियो तर हिँउदे अधिवेशन अन्त्य हुँदा उत्तm विद्येयक संसदमै अलपत्र परेको थियो । निजामती विद्येयकमा १५८३ वटा संशोधन प्रस्ताव दर्ता भएका छन् । सांसदहरु आफैं उपस्थित भएर संघीय संसद सचिवालयमा १२२ वटा निवेदन दर्ता गराएका हुन भने बाँकी संशोधन प्रस्ताव इमेलबाट प्राप्त भएको संघीय संसद सचिवालयले जनाएको छ ।