प्रमुख प्रतिपक्षी नेपाली कांग्रेसको नाराबाजीबीच प्रधानमन्त्री पुष्पकमल दाहाल ‘प्रचण्ड’ले विश्वासको मत मागेका छन् ।
बिज्ञापन
तर, प्रधानमन्त्रीले विश्वासको मतका लागि प्रस्ताव प्रस्तुत गरिरहँदा नेपाली कांग्रेसलगायतका प्रतिपक्षी दलहरूले वेल घेराउ गरेका छन् । प्रतिपक्षी दलहरूले वेल घेराउ गर्दै नाराबाजी गरिरहँदा प्रधानमन्त्री प्रचण्ड मर्यादापालकको सहयोगमा रोस्ट्रममा पुगेका थिए ।
बिज्ञापन
प्रतिनिधि सभा बैठकमा कांग्रेसको नाराबाजी चलिरहेको समयमा सभामुखको अनुमतिले प्रधानमन्त्री पुष्पकमल दाहाल ‘प्रचण्ड’ले विश्वासको मत लिनका लागि प्रस्ताव प्रस्तुत गरेका थिए ।
कांग्रेसकै अवरोधपछि १५ मिनेटका लागि स्थगित भएपछिको बैठकमा प्रधानमन्त्रीले विश्वासको मत मागेका हुन् । प्रतिपक्षी कांग्रेसका सांसदहरूले नाराबाजी गरिरहेका छन् ।
बिज्ञापन
प्रधानमन्त्री दाहालले यसअघि २०७९ पुस १०, फागुन ३० र गत माघमा विश्वासको मत लिएका थिए । अहिले चौथो पटक विश्वासको मत लिन लागिएको हो ।
