प्रशासन सेवातर्फका सचिव सुरेश अधिकारी र कृषि सेवाका रेवतीरमण पौडेल यही २८ वैशाखमा घर गएसँगै दुई सचिव पद रिक्त हुन पुगेको छ ।सचिवमा उक्लने प्रतिष्प्रर्धामा छन्, ६ सहसचिवहरु । लोकसेवा आयोगका अध्यक्ष माधव रेग्मीको अध्यक्षतामा बसेको सचिव बढुवा सिफारिस समितिले प्रशासन र प्राविधिकतर्फ रिक्त हुन पुगेका एक एक सचिवका लागि दुबै सेवातर्फबाट बरिष्ठतम् तीन तीन जना सहसचिवको नाम सिफारिस गरेको छ ।
बिज्ञापन
बढुवा सिफारिस समितिले प्रशासन सेवातर्फ सहसचिवत्रय लोकनाथ पौडेल, गोविन्दबहादुर कार्की र महादेव पन्थको नाम सिफारिस गरेको छ । यस्तै,कृषि तथा वन सेवातर्फ रिक्त रहेको एक सचिवका सहसचिवत्रय सञ्जीवकुमार कर्ण, सबनम शिवाकोटी र राजेन्द्रप्रसाद मिश्रको नाम सिफारिस भएको छ । यी ६ जनामध्ये दुई जना सचिव बढुवा हुनेछन् ।बरिष्ठताकै आधारमा सचिवमा उकालिएको खण्डमा प्रशासनतर्फबाट पौडेल र कृषि सेवाबाट कर्णको प्रवल सम्भवना छ,सचिवमा उक्लने ।
बिज्ञापन
अब १३ असारमा सुशीलचन्द्र तिवारी अवकाश पाएर घर फर्कदैछन् । निजामती किताबखानाबाट प्राप्त विवरण केलाउँदा सचिव बन्ने लाइनमा रहेका सचिवहरुमा रघुराम विष्ट,वावुराम अधिकारीहरु रहेका छन् । यस्तै मदन भुजेल,चन्द्रकला पौडेल, शोभाकान्त पौडेल, भुपाल वराल, डण्डुराज घिमिरेहरु पनि सचिव उक्लने लाइनमा छन् । यस्तै शिक्षासेवाका खगेन्द्र प्रसाद सुवेदी, कृष्ण प्र काप्री, वैकुण्ठ प्रसाद अर्याल, इमनारायण श्रेष्ठहरु पनि सचिव बन्ने लाइनका सहसचिवहरु हुन ।
राजेन्द्र प्रसाद पौडेल,इन्दु घिमिरे, कमल प्रसाद भट्टराई,श्रीकृष्ण नेपाल,हाल स्वास्थ्यमा आइपुगेका विनोद वहादुर कुँवरका अलवा निलम्बनमा परेका रूद्रसिंह तामाङ पनि सचिवमा उक्लने लाइनमा थिए । यस्तै हालैमात्र शिक्षाबाट सरुवा भएका कालीप्रसाद पराजुली,नारायण प्रसाद भट्ट,उत्तर कुमार खत्री, आभा कर्ण श्रेष्ठ,चक्रवहादुर वुढा र जयनारायण आचार्यहरु सचिव बन्ने पर्खाइमा छन् ।
बिज्ञापन
