प्रधानमन्त्री पुष्पकमल दाहाल प्रचण्डले मन्त्रिपरिषद् बैठक बोलाएका छन् । प्रधानमन्त्रीको कार्यालय सिंहदरबारमा दिउँसो एक बजेका लागि बैठक बोलाइएको हो ।

बिज्ञापन

आजको बैठकले २ जना बरिष्ठतम सहसचिवलाई सचिव बढुवा गर्न सक्नेछ । प्रशासन सेवातर्फको एक सचिव र कृषि सेवाका अर्काे गरी दुई सचिव पद रिक्त छ । सचिव बढुवा सिफारिस समितिले प्रशासनतर्फ सहसचिवत्रय लोकनाथ पौडेल, गोविन्दबहादुर कार्की र महादेव पन्थको नाम सिफारिस गरेको छ ।
यस्तै,कृषि तथा वन सेवातर्फ रिक्त रहेको एक सचिवका सहसचिवत्रय सञ्जीवकुमार कर्ण, सबनम शिवाकोटी र राजेन्द्रप्रसाद मिश्रको नाम सिफारिस भएको छ । यी ६ जनामध्ये दुई जना सचिव बढुवा हुनेछन् ।
यस्का अलवा सरकारको नियमित काम कारबाही, पछिल्ला राजनीतिक घटनाक्रम र समसामयिक विषयमा छलफल हुने बताइएको छ ।