सरकारले निजामती कर्मचारीहरुको तलब तथा सेवासुविधा समानुकूल र आकर्षक बनाउने जनाएको छ ।
बिज्ञापन
आगामी आर्थिक वर्ष २०८१/०८२ को नीति तथा कार्यक्रम पेस गर्दै राष्ट्रपति रामचन्द्र पौडेलले यस्तो बताएका हुन । उनले राष्ट्रसेवक कर्मचारीको सेवासुविधा समयानुकूल, आकर्षक, पूर्वानुमानयोग्य र समन्यायिक बनाई राष्ट्रसेवकलाई व्यावसायिक, उत्प्रेरित र उच्च मनोबलयुक्त तुल्याइने घोषणा गरे ।
बिज्ञापन
राष्ट्रसेवक कर्मचारीहरुको सेवासुविधा समयानुकूल,आकर्षक,पूर्वअनुमानयोग्य र समन्यायिक बनाइ राष्ट्र सेवकलाई व्यवसायिक,उत्प्रेरित र उच्च मनोबलयुक्त बनाइनेछ । कर्मचारीलाई तालिम प्रदान गर्ने समान प्रकृतिका निकायलाई निश्चित मापदण्डका आधारमा पुर्नसंरचना र एकीकरण गरी तालिमको प्रभावकारीता बृद्धि गरिनेछ ।
यस्तै कर्मचारीसँग गरिने कार्यसम्पादन बस्तुनिष्ठ र मापनयोग्य बनाइने उनले बताए । यस्तै नीति तथा कार्यक्रममा संघीय निजामती ऐन यथाशीघ्र ल्याउने जनाइएको छ । आगामी आर्थिक वर्ष २०८१/ ८२ का लागि सरकारको नीति तथा कार्यक्रम वाचन गर्दै राष्ट्रपति रामचन्द्र पौडेलले उक्त कार्यक्रम प्रस्तुत गरेका हुन् ।
बिज्ञापन
राष्ट्रपति पौडेलले संघीय निजामती सेवा ऐन यथाशीघ्र कार्यान्वयनमा ल्याई निजामती प्रशासनलाई चुस्त,परिणामुखी बनाइने बताएका हुन । यस्तै प्रदेश निजामती सेवा र स्थानीयलाई व्यवस्थित बनाउने घोषणा गरेका छन् ।
तीन तहबीचको प्रशासनिक कार्यातमक अन्तरसम्बन्ध सुदृढ तुल्याइ सेवा प्रवाहलाई थप सहज र सुलभ बनाइने घोषणा गरेका हुन । यस्तै राष्ट्रपति पौडेलले सार्वजनिक सेवा प्रवाहलाई चुस्त र मितव्ययी बनाउन संगठन संरचनामा रहेको दोहोरोपन हटाउनुका साथैं सूचना प्रविधिमा आधारित एकीकृत कार्यालय व्यवस्थापन प्रणाली लागू गर्ने घोषणा गरेका हुन ।
यस्तै सरकारी सेवामा टोकन र टाइम कार्ड लागू गरिने,स्वदेश तथा विदेशमा रहेकालाई सहज रुपमा राहदानी उपलव्ध गराइने घोषणा गरिएको छ ।
