स्वास्थ्यमन्त्री उपेन्द्र यादव गत १६ वैशाखमा अमेरिका उडे । अप्रिल ३० देखि मे ३ तारिखसम्म यूएन सेक्रेटरियट न्यूयोर्कमा हुने विश्व जनसंख्यासम्बन्धी सम्मेलनमा नेपाल सरकारको प्रतिनिधिका रूपमा सहभागी हुन उनी मेरिका प्रस्थान गरेका थिए । ७ मे अर्थात भोलि मात्र उपेन्द्र यादवको स्वदेश फर्किने कार्यक्रम थियो तर यही बीचमा उनको पार्टीमा ठूलो भुकम्प गएको छ । १२ जना सांसद रहेका जसपाबाट ७ भाइ अलग भएका छन् । यो सँगै उनको उपप्रधान तथा मन्त्री पद पनि गुम्ने स्थितिमा पुगेको छ । पूर्व शिक्षामन्त्री अशोक राईको नेतृत्वमा नयाँ दल दर्ताका लागि सांसदहरू निर्वाचन आयोग पुगेका,७ सांसदले दिएको निवेदन निर्वाचन आयोगमा दर्ता भएको निर्वाचन आयोगले जनाएको छ । सो पार्टीका १२ मध्ये सात सांसद पार्टी विभाजनका लागि अहिले निर्वाचन आयोगमा पुगेका हुन । अशोक राईको नेतृत्वमा पूर्व वनमन्त्री बीरेन्द्र महतोका अलावा प्रदीप यादव, नवलकिशोर साह सुडी, सुशीला श्रेष्ठ, हसिना खानुत, रञ्जु ठाकुर छन् ।
बिज्ञापन
रोचक चाहिँ जसपा पार्टी गठन भए यताको चार बर्षमा तीन पटक टुक्रिएको छ । २०७८ भदौ १ गते महन्थ ठाकुर, राजेन्द्र महतोलगायत नेताहरूले जसपा नेपालबाट विभाजित भई नयाँ पार्टी लोकतान्त्रिक समाजवादी पार्टी (लोसपा) निर्माण गरेर शुरु गरेको विद्रोह उपेन्द्र यादव अमेरिका पुगेको समयमा फेरि देखिएको थियो । पार्टी गठन भएको बर्ष दिन पछि पूर्व प्रधानमन्त्री बाबुराम भट्टराई, महिन्द्र यादवलगायत नेताहरू जसपाबाट अलग भई नेपाल समाजवादी पार्टी (नेसपा) गठन गरेका थिए। अहिले तेश्रो पटक जसपा टुक्रिएको हो ।
बिज्ञापन
यो पटकको विभाजनमा उपेन्द्रको उपप्रधान र स्वास्थ्यमन्त्रीको कुर्सी पनि खोसिने सम्भवना प्रवल रहेको छ । उनलाई हटाएर विरेन्द्र महतोलाई उपप्रधान तथा स्वास्थ्य मन्त्री बनाउने तयारी भइरहेको छ ।
उसो त उपेन्द्र यादवले अहिलेमात्र यस प्रकारको सरप्राइज पाएका होइनन् । जतिखेर केपी शर्मा ओली नेतृत्वको सरकार थियो । त्यतिबेला उनी स्वास्थ्यमन्त्रीको हैसियतमा भारत पुगेका थिए । उनी स्वास्थ्यमन्त्रीको हैसियतले भारथत पुगेका थिए फर्कदा कानुनमा सारिएका थिए ।
बिज्ञापन
