बिज्ञापन

बिज्ञापन

न्यायाधीशद्वय हरि फुयाँल र महेश शर्मा पौडेलको इजलासले इजलासले बयान नसकिएको भन्दै थुनामा पठाउने आदेश गरेको हो। उनलाई भोलि बिहान १० बजे उपस्थित गराउन आदेश दिँदै उनलाई प्रहरीको जिम्मा लगाएको छ ।
आदेशमा भनिएको छ,‘यस अदालतको आदेशानुसार आज बयानका लागि उपस्थित हुन आउनुभएका राजकुमार तिमिल्सिनाको बयान कार्य प्रारम्भ भएको तर सम्पन्न हुन नसकेकाले मिति २०८१–१–२४ गते १० बजे उक्त बयानलाई निरन्तरता दिने प्रयोजनका लागि निजलाई उपस्थित गराउने गरी यस अदालतका रजिष्ट्रारमार्फत प्रहरीलाई जिम्मा लगाउनु ।’

त्यस्तै, अनलाइनका प्रकाशक युवराज कँडेल र कार्यकारी सम्पादक नवीन ढुंगानालाई पनि भोलि बिहान १० बजे उपस्थित हुन भनिएको छ । ‘द डार्क फाइल’ शृंखलाअन्तर्गत प्रसारित अडिओ र त्यसका आधारमा उत्पादित अन्य सामग्री विवादित भएपछि सर्वोच्चले सिधाकुरा टिममाथि कारबाही अघि बढाएको थियो। सर्वोच्चले ती विवादित सामग्री २४ घण्टाभित्र हटाउन भनेको थियो। सिधाकुरा टिमले भने त्यसअघि नै युट्युबबाट सामग्री हटाइसकेको थियो।
यस्तै उक्त अडिओबारे फौजदारी कसुरमा कारबाही अघि बढाएर १५ दिनभित्र प्रगति प्रतिवेदन दिन पनि सर्वोच्चले प्रहरी महानिरीक्षकका नाममा आदेश जारी गरिसकेको छ।

पत्रकार आचार संहिता अनुसार समाचार स्रोतको संरक्षण र गोप्य राख्नुपर्ने भए पनि समाचार स्रोतलाई पोलिदिएपछि समाचारको स्रोतलाई सर्वोच्च अदालतले प्रहरी हिरासतमा पठाएको छ।