एउटा सुब्बाले सिंगो विभागका हाकिमहरुलाई हल्लाइदिन्छन् भन्दा पत्याउन गाह्रै पर्ला । तर यस अघि पुल्चोकमा बसेर विभागका उच्च पदस्थदेखि व्यापारीहरुलाई हायल कायल खेलाउने,उठाउने धन्दामा सीपालु मानिएका एक कम्युटर अपरेटर अहिले लाजिम्पाट पुगेका छन् । त्यहाँ पुगेर पनि उच्च पदस्थ कर्मचारी,ठूला व्यापारीहरुलाई हत्तु खेलाउँदै छन् । ती कर्मचारीले त्यहाँ पुगेको महिना दिनमै कर्मचारी,उद्योगीदेखि व्यापारीहरुलाई त्राहिमाम पारेका विभागका कर्मचारीहरुले जनाएका छन् ।

सुब्बा तहको कर्मचारीको पावर र हैसियत यतिसम्म छ कि उस्ले मर्यादाक्रममा आफूभन्दा धेरै माथि रहेका मन्त्री,सचिवदेखि सहसचिवसम्मले गरेका निर्णयलाई पानीको फोका’ झैं क्षणभरमै उल्टाउँदै आएका थिए । अहिले विभागका कर्मचारीहरुलाई टेर्ने छाडेको र व्यापारीहरुलाई गन्न छाडेको कर्माचारीहकै आरोप छ । यस्ता जब्बर कर्मचारीलाई न त कुनै ऐन, कानुन आकर्षित हुन्छ । कसैले छुन वा चलाउन सक्छ । न त कुनै परिपत्रले केही लछार्न सक्छ रु यहीबाट प्रष्ट हुन्छ हाम्रो कर्मचारीतन्त्र ऐन,कानुनले कम र ‘डनतन्त्र’ले बढी चलिरहेको छ ।
पद सानो तर पावर र पहुँच डनतन्त्र देखाउने शक्तिशाली कम्युटर अपरेटर हुन, ध्रुव भण्डारी,राजपत्र अनकिंत प्रथम श्रेणीका कर्मचारी । कर्मचारी संकेत नम्बर,१९५२८१ रहेका उनी यस अघि लामो समय ठूला करदाता कार्यालय,ललितपुरमा डाटा इन्ट्री सुपरभाइरजरका रुपमा कार्यरत रहे । त्यहाँका हाकिम राजेश्वर ज्ञवाली हुँदा उनकै हर्ताकर्ता बनेर काम गरे । राजेश्वर त्यहाँबाट सरुवा भएर अहिले महालेखा नियन्त्रकको कार्यालयमा पुगेका छन् । लामो समयसम्म उक्त कार्यालयमा हाकिमहरुका दाहिने हात बनेर काम गरेका कर्मचारी हुन भण्डारी ।