सहसचिव तहका कर्मचारीहरुको खटन पटन तथा सरुवाको काम क्याविनेटले गर्दै आइरहेको छ । त्यही क्याविनेटबाट हुने निर्णय पनि कतिसम्म कच्चा देखिन्छ भन्ने एउटा सानो उदाहरण हेरौं :-
बिज्ञापन
अघिल्लो साताको क्याविनेट बैठकले २८ सहसचिवको सरुवा टुंग्याएको छ । प्रशासन सेवाका १८,शिक्षा सेवाका १ र बाँकी ९ प्राविधिक सेवाका सहसचिवहरुको खटन पटन गरिएको थियो । त्यही सूचीमा भेटिन्थ्यो स्वास्थ्य सेवाका डा प्रविन श्रेष्ठलाई बाग्मती प्रदेशको स्वास्थ्य मन्त्रालयको सचिवको रुपमा खटन पटन गरिएको थियो ।
सरकारले प्रदेशका सचिवलाई सो मन्त्रालयबाट नचलाईकन संघबाट अर्काे सहसचिव खटाइँदा एउटै मन्त्रालयमा दुई सचिव हुने स्थिति आइलागेको हो ।
बिज्ञापन
रमाइलो देखिन्छ बाग्मती प्रदेशमुकाम हेटौडातिर । त्यहाँ एउटै मन्त्रालयको,एउटै कुर्सीमा दुई जना सचिव खटन पटन गरिएको छ । यस्तो गाइजात्रा देखिएको हो एमालेका मन्त्री रामेश्वर श्रेष्ठले कमाण्ड गरेको स्वास्थ्य मन्त्रालयमा । अदालतबाट स्टे अर्डर लिएर फर्किएका सचिव डा बद्रिबहादुर कार्की त छँदै थिए हालैमात्र सरकारले अर्को सचिव खटाइदिए पछि सचिवको कुर्सीमा को बस्ने हो भन्ने लफडा शुरु भएको छ ।
कार्की स्वास्थ्य सेवाका विवाद्स्पद् छविका कर्मचारी हुन । यस अघि खोपकाण्डमा मुछिएका उनलाई देउवा सरकारले बाग्मती प्रदेशको सचिवका रुपमा खटाएको थियो । कोरोना कालमा खड्का खोपकाण्डमा मुछिएका थिए । काठमाडौंमा जनस्वास्थ्यको हाकिम हुँदा चीन सरकारले अनुदानमा ८ लाख डोज भेरोसिल खोप पठाएको थियो । उक्त समयमा १४ हजार डोज खोप नै गायब बनाइएको प्रकरणमा खड्का डामिएका थिए । शेरबहादुर देउवाको प्रधानमन्त्री कालमा उनी प्रदेशका सचिवका रुपमा खटाइएका । त्यतिखेरका मन्त्रीसँग कुरा नमिलेपछि उनलाई हटाउन खोजिएको थियो । बजार मूल्य साढे चार करोड हाराहारी रहेको सिटी स्क्यान मेसिन आठ करोड प्रकरणमा उनलाई त्यहाँबाट हुत्याइएको थियो । उनलाई पाखा लगाएर त्यहाँ दशौं तहका दीपक तिवारीलाई निमित्त तोकिएको थियो । मुख्यमन्त्री कार्यालयको बरण्डामा पुर्याइएसँगै खड्का न्याय खोज्दै सर्वोच्च अदालतको ढोका ढकढकाउन आइपुगे । उनै सचिव खड्का सर्वोच्च अदालतको अन्तरिम आदेशबाट स्वास्थ्यमै फर्किए ।
बिज्ञापन
यसरी अदालतको आदेशबाट त्यहाँ पुर्नबहाली भएका सचिव छँदै थिए । संघीय सरकारले डा प्रविन श्रेष्ठलाई त्यहाँ खटाएसँगै लफडा शुरु भएको हो । काठमाडौंस्थित वीर अस्पतालमा प्रमुख कन्सल्टेन्ट सर्जनको रूपमा कार्यरत श्रेष्ठ यसअघि दुई पटक हेटौंडा अस्पतालका मेडिकल सुपरिटेन्डेन्ट (मेसु)का रुपमा कार्य गरिसकेका छन् ।
प्रदेशका मन्त्री रामेश्वर श्रेष्ठलाई कर्मचारी प्रेसले यस बिषयमा जिज्ञासा राख्दा,’अफूलाई केही थाहा नभएको’ प्रतिक्रिया दिए ।
