गृह मन्त्रालयले १० सहसचिवको दरबन्दी कटौती गरेको छ । मन्त्रालयले तयार पारेको ओएनएम अनुसार यस अघि सहसचिव सिडियो रहने २६ जिल्लामध्ये ९ जिल्लाबाट सहसचिवको दरबन्दी कटौती गरेको हो । यस अघि ६१ जिल्लामा सहसचिव तहका कर्मचारीलाई प्रमुख जिल्ला अधिकारीको रुपमा खटाइदै आएकोमा अब ५२ जिल्लामा मात्र सहसचिव तहका कर्मचारीहरु प्रमुख जिल्ला अधिकारीको रुपमा खट्नेछन् ।
गृहले तयार पारेको नयाँ ओएनएम अनुसार,यस अघि १६ जिल्लामा उपसचिव तहका कर्मचारीलाई प्रमुख जिल्ला अधिकारीको रुपमा खटाइँदै आएकोमा अब २५ जिल्लाको कमाण्ड उपसचिव तहका सिडियोले गर्नेछन् । यस अघि ६१ जिल्लामा सहसचिव तहका कर्मचारीलाई प्रमुख जिल्ला अधिकारीको रुपमा खटाइँदै आएकोमा अब अब ५२ जिल्लाको प्रशासनिक नेतृत्व सहसचिवले गर्ने तय भएको छ । गृहले गौतमबुद्ध विमानस्थल भैरहवाको अध्यागमन कार्यालय गरी १० सहसचिवको दरबन्दी कटौती गरिएको हो ।

बिज्ञापन

गृहले तयार पारेको नयाँ ओएनएम अनुसार बैतडी, डडेल्धुरा, अछाम, जुम्ला, सल्यान, जाजरकोट, रोल्पा, भोजपुर र खोटाङ जिल्लामा रहेको सहसचिव तहका दरबन्दी कटौती भएको हो । ती जिल्लामा अब उपसचिव सरहका प्रजिअको दरबन्दी कायम भएको छ । सोही व्यवस्था अनुसार हिजैमात्र बैतडी जिल्लाको प्रमुख जिल्ला अधिकारीका रुपमा उपसचिव मीना अर्याललाई खटाइसकेको छ । त्यहाँबाट प्रमुख जिल्ला अधिकारी डा डिजन भट्टराईलाई सोलुखुम्बु खटाइएको छ । नयाँ ओएनएम अनुसार,अब ७७ मध्ये ५२ जिल्लाको प्रजिअमा सह सचिवको दरबन्दी रहनेछ भने बाँकी २५ जिल्लामा उपसचिव प्रमुख जिल्ला अधिकारी रहनेछन् ।