अख्तियार दुरुपयोग अनुसन्धान आयोगले जिल्ला प्रहरी कार्यालय, सुनसरीस्थित सञ्चार शाखामा कार्यरत तत्कालीन प्रहरी सहायक निरीक्षक मुक्तनारायण श्रेष्ठविरुद्ध भ्रष्टाचारको मुद्दा दायर गरेको छ ।
बिज्ञापन
शैक्षिक योग्यताको नक्कली प्रमाणपत्र पेस गरी पदोन्नति लिएको आरोपमा सुनसरी जिल्ला प्रहरी कार्यालयको सञ्चार शाखामा कार्यरत असई श्रेष्ठमाथि मंगलबार अख्तियारले भ्रष्टाचार मुद्दा विशेष अदालतमा मुद्दा दायर गरेको हो । अख्तियारका अनुसार,श्रेष्ठले नेपाल प्रहरी सेवाको प्रहरी सहायक निरीक्षक पदमा पदोन्नति हुँदा केन्द्रीय माध्यमिक शिक्षा बोर्ड, दिल्ली, भारतबाट जारी भएको देखिने प्रमाणपत्र नक्कली रहेको पाइएको हो ।
बिज्ञापन
उनले असई पदमा पदोन्नति भई हालसम्म सरकारबाट निवृत्तभरणसहितको हैसियत, लाभ, सुविधा लिई भ्रष्टाचारजन्य कसुर गरेकोले उनलाई सजायको माग गर्दै आरोपपत्र दायर गरिएको प्रवक्ता न्यौपाने जानकारी दिए ।
आरोपपत्रमा भनिएको छ,शैक्षिक योग्यताको झुट्टा तथा नक्कली प्रमाणपत्रहरू पेस गरी राष्ट्रसेवकको ओहदा (प्रहरी सहायक निरीक्षक पदमा पदोन्नति भई) प्राप्त गरी हालसम्म नेपाल सरकारबाट निवृत्तभरण सहितको हैसियत, लाभ, सुविधा लिई भ्रष्टाचारजन्य कसुर गरेकोले निजलाई भ्रष्टाचार निवरण ऐन, २०५९ को दफा १६ को उपदफा (१) बमोजिमको कसुरमा भ्रष्टाचार निवारण ऐन, २०५९ को दफा १६ को उपदफा (१) बमोजिम कैद र जरिवाना सजाय हुन मागदाबी लिई आज विशेष अदालतमा मुद्धा दायर गरिएको छ ।
बिज्ञापन
