मन्त्रिपरिषद्को हिजो बसेको बैठकले गरेको एक दर्जन निर्णय आज सार्वजनिक भएको छ । जसमा सरुवा बढूवा नियुक्ति,अस्थायी दरबन्दी थप लगायतका १३ निर्णय सार्वजनिक भएका छन् ।
निर्णय सार्वजनिक गरिँदा बुँदा नम्बर पाँचमा एउटा त्रुटी भएको देखिन्छ । जहाँ लेखिएको छ,जेनजी पुस्ताद्धारा ०८२ मंसिर २३ र २४ गते गरिएको प्रर्दशनको क्रममा मृत्यु भएका ४५ जना व्यक्तिलाई राज्यको तर्फबाट शहीद घोषणा गर्ने ।
बिज्ञापन
जबकी जेनजीको प्रर्दशन गत भदौं २३ र २४ गते भएको थियो । क्याविनेटको निर्णयमा समेत यस्तो गल्ती गरिएको बिषयमा अहिले आलोचना भइरहेको छ ।
बिज्ञापन
यसरी सरकारी तवरबाट भएका निर्णयहरु सार्वजनिक गर्दा त्रुटी देखिएको छ । सरुवा सूचीको चौथौं नम्बरमा उपमहानगरपालिकालाई नगरपालिका बनाइएको थियो भने आज क्याविनेटको निर्णयमा समेत उसैगरी त्रुटीपूर्ण मिति राखेर निर्णय सार्वजनिक भएको छ ।
यता हालैमात्र संघीय मामिला तथा सामान्य प्रशासन मन्त्रालयले उपसचिवको सरुवा गर्दा एक उपमहानगरपालिकालाई नगरपालिका बनाएर प्रमुख प्रशासकीय अधिकृत सरुवा गरेको भेटिएको छ । सोमबारको निर्णय अनुसार मन्त्रालयले १० उपसचिवको सरुवा गरेको थियो । सरुवा सूचीको चौथौं नम्बरमा मन्त्रालयको तर्फबाट यस्तै कमजोरी भएको भेटिएको छ ।
जहाँ धनुषाको जनकपुरधामबाट प्रमुख प्रशासकीय अधिकृत मित्रलाल ढकाललाई रौतहटको चन्द्रपुर नगरपालिकामा सरूवा गरिँदा उपमहानगरपालिकालाई मन्त्रालयले नगरपालिका बनाएर उपसचिव ढकालको सरूवा गरेको भेटिएको हो ।
बिज्ञापन
