संघीय मामिला तथा सामान्य प्रशासन मन्त्रालयले थप १० जना शाखा अधिकृतको सरुवा गरेको छ । मन्त्रालयले पछिल्ला दिनमा किस्ता किस्तामा कर्मचारी सरुवा गरिरहेको छ ।
यस अघि महिनामा दुई दिन मात्र कर्मचारी सरुवा गर्दै आएको सामान्यले पछिल्लो समय हरेक दिन कर्मचारीहरुको किस्ताबन्दीमा सरुवा जारी राखेको छ । सामान्यले विभिन्न स्थानीय तहमा कार्यरत ४ जना शाखा अधिकृतलाई निर्वाचन आयोगमा सरुवा गरेको छ । यस्तै एक इञ्जिनियरलाई अख्तियार दुरुपयोग अनुसन्धान आयोग,लोकसेवा आयोगबाट एक अधिकृतलाई गृहमा ल्याएको छ ।
मन्त्रालयले गरेको सरुवा विवरण अनुसार, भीमफेदी गाउँपालिकाको प्रमुख प्रशासकीय अधिकृत,चिचिला गाउँपालिकामा कार्यरत शाखा अधिकृत सन्तोष राई,उमाकुण्ड गाउँपालिकाको प्रमुख प्रशासकीय अधिकृत सुनिता अर्याल र गढी गाउँपालिकाको शाखा अधिकृत सुनिता रिमाललाई निर्वाचन आयोगमा सरुवा गरेको छ ।
यस्तै,सामान्यको अतिरिक्त समूहमा रहेका धनेन्द्र भुजेललाई उमाकुण्ड गाउँपालिकाको प्रमुख प्रशासकीय अधिकृत बनेर गएका छन् भने जिल्ला प्रशासन कार्यालय संखुवासभाका शाखा अधिकृत गौरिकान्त भट्टराई भूमि व्यवस्था मन्त्रालयमा आएका छन् । लोकसेवाबाट कृष्ण सुवेदी गृह मन्त्रालय,जिप्रका बाराबाट सितल बहादुर रावल राष्ट्रिय किताबखाना(प्रहरी),गृहका शाखा अधिकृत युवराज कट्टेललाई भूमि व्यवस्था मन्त्रालय र स्थानीय पूर्वाधार विकास विभागका इञ्जिनियर वासुदेव रिमाललाई अख्तियारमा खटाइएको छ ।
बिज्ञापन
