बिज्ञापन

बिज्ञापन

पटक–पटक अनियमितताको गुनासो र उजुरीहरू परेपछि अख्तियारको टोली आइतबार बिहानै नगरपालिकाको कार्यालय पुगेको थियो। टोलीले कार्यालयका विभिन्न शाखाहरूमा खोजतलास गर्दै केही कागजातहरू नियन्त्रणमा लिएको अख्तियार स्रोतले जनाएको छ।

स्रोतका अनुसार मेयर बस्नेतले भोटेकोशी जलविद्युत् आयोजनाबाट ‘अस्पतालका लागि’ भन्दै रकम लिएका थिए। तर, उक्त रकम अस्पताल निर्माणमा प्रयोग नभई हिनामिना गरिएको भन्ने सूचनाका आधारमा छापा मारिएको हो।

प्रारम्भिक अनुसन्धानका क्रममा करिब २० लाख रुपैयाँको मात्र हिसाब–किताब भेटिएको र बाँकी रकमबारे कुनै अभिलेख नपाइएको अख्तियारको प्रारम्भिक निष्कर्ष छ।

“कागजातमा २० लाखको मात्रै विवरण देखिन्छ, बाँकी रकम कहाँ गयो भन्ने कुरा अझै अस्पष्ट छ,” अख्तियारसँग नजिकको एक स्रोतले भन्यो।

छापासँगै अख्तियारले रकम हिनामिनासँग सम्बन्धित सबै कागजात र बैंक कारोबार विवरण संकलन गरिरहेको र विस्तृत अनुसन्धान अघि बढाइने बताइएको छ।