बिज्ञापन

बिज्ञापन

यस अघि काठमाडौंको प्रमुदख जिल्ला अधिकारी चलाइसकेका पराजुली निजामती प्रशासनमा वेदाग प्रशासक हुन । उनलाई बरिष्ठताका आधारमा मन्त्रालयको कर्मचारी प्रशासन महाशाखाको जिम्मेवारी दिइएको गृह मन्त्रालयले जनाएको छ ।

यस अघि पराजुली काठमाडौंको प्रमुख जिल्ला अधिकारी हुँदा उनलाई हटाएर गोविन्द रिजाललाई काठमाडौंको प्रमुख जिल्ला अधिकारी बनाइएको थियो । पराजुली यसअघि अख्तियार दुरुपयोग अनुसन्धान आयोगमा कार्यरत थिए । तत्कालीन केपी शर्मा ओली नेतृत्वको सरकारले पराजुलीलाई काठमाडौंको प्रमुख जिल्ला अधिकारीको जिम्मेवारी दिएको थियो । १० महिना काठमाडौंको प्रजिअ चलाएका उनलाई तत्कालीन मन्त्री बालकृष्ण खाँणले गृहमा फिर्ता तानेका थिए । पछि उनी सामान्यमा पुगेका थिए ।

यस्तै अर्काै सहसचिव आनन्द काफ्लेलाई सुरक्षा तथा समन्वय महाशाखा प्रमुखको जिम्मेवारीमा छन् । यस्तै विपद् तथा द्वन्द्व व्यवस्थापन महाशाखा प्रमुखमा काठमाडौं सिडिओ र अध्यागमन चलाइसकेका गोविन्दप्रसाद रिजाल रहेका छन्। आन्तरिक व्यवस्थापन महाशाखा प्रमुखमा ऋषिराम तिवारी रहेका छन्। यस्तै गृहको नीति, योजना तथा मूल्याङ्कन महाशाखा प्रमुखको भूमिकामा सुरेश पन्थी छन्। यस्तै गृह मन्त्रालयको कानुन महाशाखामा भने पुसमा घर जान लागेका भरतमणि रिजाल रहेका छन्।