सरकारले १५ जना सहसचिवहरुको सरुवा गरेको छ ।
हिजो बसेको मन्त्रिपरिषद्को बैठकले १५ सहसचिवहरुको सरुवा गरेको हो । सरुवा भएकामध्ये प्रशासन सेवाका १२, शिक्षा सेवाका २ र इञ्जिनियरिङ सेवाका १ जना रहेका छन् ।
बिज्ञापन
सरुवा सूची अनुसार,सामान्यबाट कालीप्रसाद पराजुलीले गृहमा इन्ट्री मार्दा गृहमा कार्यरत रहेका सहसचिवहरु वावुराम गौतम,दिव्यराज पोखरेल र जयनारायण आचार्य त्यहाँबाट बाहिरिएका छन् ।
बिज्ञापन
गौतमलाई मुख्यमन्त्री तथा मन्त्रिरिषद्को कार्यालय,बाग्मती प्रदेश,आचार्य संस्कृति, पर्यटन तथा नागरिक उड्डयन मन्त्रालय, र पोखरेल संघीय मामिला तथा सामान्य प्रशासन मन्त्रालयको अतिरिक्त समूहमा रहेर नेपाल पर्यटन तथा होटल व्यवस्था प्रतिष्ठान (नाथम)मा खटाइएको छ ।
यस्तै,नाथममा कार्यरत रहेकी संगिता ओझा महिला बालबालिका तथा जेष्ठ नागरिक मन्त्रालय र महिला मन्त्रालयमा कार्यरत सहसचिव ज्ञानहरि घिमिरेलाई धरान उपमहानगरपालिकामा पठाइएको छ ।
सूची अनुसार,चिकित्सा शिक्षा आयोगबाट अण प्रसाद न्यौपानेलाई शिक्षा मन्त्रालय,मुख्यमन्त्री तथा मन्त्रिपरिषद्को कार्यालय लुम्बिनी प्रदेशबाट बसन्त कोइरालालाई चिकित्सा शिक्षा आयोगमा ल्याइएको छ ।
लुम्बिनी प्रदेश मुख्यमन्त्री तथा मन्त्रिपरिषद्को कार्यालयमा कार्यरत डिलाराम पन्थीलाई संघीय मामिला तथा सामान्य प्रशासन मन्त्रालय,गण्डकी प्रदेश मुख्यमन्त्री तथा मन्त्रिपरिषद्मा कार्यरत रहेका रुद्रप्रसाद पण्डितलाई खानेपानी मन्त्रालयमा ल्याइएको छ भने रामबाबु पुरी खानेपानी मन्त्रालयबाट लुम्बिनी प्रदेश,आस्मान तामाङ लगानी बोर्डमा सरुवा भएका छन् । यस्तै लगानी बोर्डबाट प्रधुम्नप्रसाद उपाध्याय लोक सेवा आयोगमा लगिएको छ ।
अख्तियारमा पर्यटन विभागका महानिर्देशक नारायणप्रसाद रेग्मीलाई लगिएको छ भने वातावरण विभागका महानिर्देशक शैलेन्द्र कुमार झालाई शिक्षा मन्त्रालयमा ल्याइएको छ ।
बिज्ञापन
