बिज्ञापन

बिज्ञापन

मोरङ सुनबर्षी नगरपालिका ६ को सरकारी जग्गा रंगेली मालपोत कार्यालयका कर्मचारीको सेटिङमा १७ कट्टा २ धुर सरकारी जग्गा व्यक्तिको नाममा दर्ता गरिएको भेटिएसँगै मालपोतका तीन कर्मचारी र एक भूमाफिया गरी चारै जनालाई पक्राउ गर्न मोरङ जिल्ला अदालतले अनुमति दिएको हो ।

यो खेलोमेलोमा मालपोत कार्यालयका सुरक्षा गार्ड कामदेव मण्डल, नायब सुब्बा रेवती अधिकारी, कम्प्युटर अपरेटर अर्जुन न्यौपाने र जग्गाधनी भीमप्रसाद सिंहविरुद्ध पक्राउ पूर्जी जारी गरेको हो । घटनाका मुख्य योजनाकार भनिएका मालपोतका सुरक्षा गार्ड कामदेव मण्डल, नायब सुब्बा रेवती अधिकारी, कम्प्युटर अपरेटर अर्जुन न्यौपाने र जग्गा आफ्नो नाममा ल्याउने भीमप्रसाद सिंहलाई पक्राउ गरी अनुसन्धान गर्न प्रहरीलाई अनुमति दिइएको हो ।

मालपोत कार्यालय, रंगेलीका कर्मचारीहरूले आर्थिक प्रलोभनमा परेर जग्गाको अभिलेख राखिने मूल ढड्डाको को सक्कली पाना नै च्यातेर फ्याँकेका थिए भने त्यस ठाउँमा भीमप्रसाद सिंहको नाममा तयार पारिएको नक्कली अभिलेख टाँसेका भेटिएको थियो । अभिलेखमा २०५८ सालमा भीमले जग्गा प्राप्त गरेको देखाइएको छ, तर श्रेस्ता नै २०७३ ०७४ सालमा राजीनामा पास गराएको नक्कली अभिलेख टाँसेको भेटिएसँगै यो प्रकरण सतहमा आएको हो ।