पहिला काज त्यसपछि सोही कार्यालयमा राज !
बिज्ञापन
नापी र मालपोतका ३४ जना उपसचिवहरुको सरुवा गर्दा यस्तै भएको छ । यस अघि तीन महिने काजका लागि खटाइएका अधिकांश उपसचिवहरुलाई काज सरुवा गरिएकै कार्यालयमा थमौती गरिएको छ । नापी तथा मालपोतका ३४ जना उपसचिवहरुको सरुवा तथा पदस्थापनमा यस्तो गरिएको हो ।
गत असोज १२ मा विभिन्न मालपोत कार्यालय र नापीका प्रमुखहरुको सरुवा तथा पदस्थापन गरिँदा चलखेलमा माहिर उपसचिवहरुलाई पहिला रोज्जाको कार्यालयमा काज सरुवा महिना दिन पछि सोही कार्यालयमा सरुवाको व्यवस्था मिलाइएको हो ।
यस अघि काजमा सरुवा भएका उपसचिवहरुमध्ये कतिपयलाई काज सरुवा भएकै कार्यालयमा पदस्थापन गरेको छ भने केहीलाई अन्यन्त्रै खटाइएको छ ।
सूची अनुसार,यस अघि काजमा हरिवन सर्लाहीमा सरुवा भएका विष्णु सिटौलालाई मालपोत कार्यलय धरान,सुनसरी,मदन घिमिरेलाई इनरुवा,सुनसरीमा पदस्थापन गरेको छ । यस्तै,राजविराज सप्तरी मालपोत कार्यलय प्रमुख रहेका भुपेन्द्र राईलाई साँखु मालपोतको प्रमुखको रुपमा सरुवा गरिएको छ भने मालपोत कार्यलय दोलखामा काज खटिएकी हिरादेवी पौडेललाई भूमि व्यवस्था मन्त्रालयमा ल्याइएको छ । सरुवाको सूची अनुसार,जीवनराज सेढाइलाई मन्त्रालयमै पदस्थापन गरिएको छ । सेढाइ यस अघि ललितपुर मालपोतको प्रमुख थिए ।
यस्तै,दिपक कोइरालालाई बेलबारी मोरङमै पदस्थापन गरिएको छ ।
मालपोत कार्यलय विरेन्द्रनगर सुर्खेतबाट काजमा दोलखा खटाइएका राजेन्द्र प्रसाद पौडेललाई सोही कार्यलयमा पदस्थापन गरिएको छ । सूची अनुसार,यस अघि स्थानीय तहमा हुँदा यौनकाण्ड लागेर सामान्यको बरण्डामा तानिएर सेटिङ मिलाएर मालपोत कार्यलय लहानमा पुगेका डमरु निरौलाले त्यही पदस्थापनको व्यवस्थापन मिलाएका छन् ।
काजमा मालपोत कार्यलय दमक,झापामा सरुवा भएका लक्ष्मी खरेललाई त्यही पदस्थापन गरिएको छ भने यस अघि पर्सा वीरगञ्जबाट काजमा लगनखेल सरुवा मिलाएका अशोक भट्टराईलाई सोही कार्यलयमा खटाइएको छ ।
खिमानन्द आचार्यलाई भूमि व्यवस्थापन विभाग, मालपोत कार्यलय हरिवन सर्लाहीमा काज सरुवा भएका राजेन्द्र प्रसाद पोखरेललाई मालपोत कार्यलय विराटनगर मोरङमा सरुवा गरिएको छ ।
मालपोत कार्यलय मनमैजुबाट नरेन्द्र पौडेललाई भूमि व्यवस्थापन विभाग,यस अघि जलेश्वर महोतरी पुगेका देवी बहादुर भण्डारीलाई मालपोत कार्यलय वीरगञ्जमा सरुवा गरिएको छ ।
सूची अनुसार,यस अघि खैरेहनी चितवनमा कार्यरत रहेका राजेन्द्र पौडेललाई तनहुँ मालपोत प्रमुखका रुपमा सरुवा गरिएको छ भने सहकारी विभागमा उपरजिष्ट्रार रघुनाथ महतलाई मन्त्रालयमा पठाइएको छ ।
समस्याग्रस्त सहकारी कार्यलयमा काजमा कार्यरत सुचित्रा राईलाई पौडेलले सम्हालिरहेको सहकारी विभागको उपरजिष्ट्रारको जिम्मेवारी दिइएको छ । मनोज कुमार सैनीलाई रुपन्देही भैरहवाको मालपोत प्रमुखको जिम्मेवारी दिएर खटाइएको छ भने हरि प्रसाद पन्तलाई भूमि विभागको निर्देशकको रुपमा ल्याइएको छ । काजी बहादुर विष्टलाई डिल्लीबजार मालपोतको प्रमुखको रुपमा पदस्थापन गरिँदा सुमिर कोइराला नापी विभाग मीनभवन पुगेका छन् ।
मनी प्रसाद रेग्मीलाई नापी कार्यालय रुपन्देही,दाङमा मालपोत प्रमुख रहेका विष्णुभक्त सिग्देललाई भूमि व्यवस्थापन प्रशिक्षण केन्द,धुलिखेलमा खटाइएको छ ।
यस्तै,मन्त्रालयमा कार्यरत रहेका रामबहादुर शाहीलाई मालपोत कार्यालय,काभ्रेपलाञ्चोक खटाइको छ । सरुवाको सूची अनुसार,मनोज पोखरेललाई धादिङ मालपोतमै पदस्थापन गरिएको छ भने महेश अधिकारीलाई मनमैजु मालपोतको प्रमुखको जिम्मेवारी दिएर खटाइएको छ ।
यस्तै डिल्लीराज भण्डारीलाई नापी कार्यालय,डिल्लीबजार प्रमुख,श्रीधर भण्डारीलाई नापी कार्यालय,चितवन,प्रमुख,सुवास भण्डारीलाई नापी कार्यालय,कास्कीमा खटाइएको छ भने कलकी मालपोतमा काज सरुवा भएका रविन ढकाललाई सोही कार्यालयमा पदस्थापन गरिएको छ । यस्तै डिल्लीबजार मालपोत प्रमुख रहेका लोकहादुर भण्डारी छोटो समयमा सरुवा भएर काभ्रेपलाञ्चोक पुगेका छन् । मालपोत कार्यालय साँखुका प्रमुख रहेका कुमार खड्का मालपोत कार्यालय सिन्धुली पुर्याइएको छ ।
बिज्ञापन
