जेनजी प्रदर्शनका क्रममा अराजक समूहले आगो लगाएपछि पूर्णरुपले ध्वस्त भएको सर्वोच्च अदालत परिसरमा त्रिपाल टाँगेर दुई वटा अस्थायी इजलास तयार पारिएको छ ।

बिज्ञापन

‘जेनजी’को प्रदर्शनका क्रममा भदौ २४ गते तोडफोड र आगजनी गरिएपछि पहिलोपल्ट इजलास बसेको हो । हिजो त्रिपाल टाँगेर दुई वटा इजलाश तयार पारिएको थियो । आज सोही त्रिपालमुनि सर्वाेच्चको अस्थायी इजलाश बसेको हो । आज बन्दीप्रत्यक्षीकरणका मुद्दा हेर्न दुई इजलास बसेको छ । सर्वाेच्च अदालतमा आगजनी गरिएको नौ दिनपछि सर्वोच्च परिसरमै त्रिपालमुनि इजलास बसेको हो । न्यायाधीश सपना प्रधान मल्ल र कुमार रेग्मीको छुट्टा–छुट्टै इजलासमा हाल बन्दीप्रत्यक्षीकरणको रिटमाथि सुनुवाइ भइरहेको छ ।