कर्मचारीहरूले कार्यसम्पादन मूल्याङ्कन फाराम र सम्पत्ति विवरण फाराम फेरि भर्नु पर्ने भएको छ । जेनजी आन्दोलनका क्रममा भएका आगजनीका कारण कतिपय कर्मचारीहरूको कार्यसम्पादन मूल्याङ्कन फाराम र सम्पत्ति विवरण जलेका कारण कासमू र सम्पत्ति विवरण फाराम पुनः भरी मूल्याङ्कन गर्ने प्रक्रियाअघि बढाउनु पर्ने भएको हो ।
गत मंगलबार बसेको सचिव बैठकले विभिन्न २१ निर्णयहरु गरेका थियो । जसमा बुँदा नम्बर १९ मा भनिएको छ,कार्यालयमा आगजनी भई कतिपय कर्मचारीहरूको कार्यसम्पादन मूल्याङ्कन फाराम नष्ट भएको पाइएकोले निजामती सेवा ऐन र नियमावलीमा भएको प्रावधान बमोजिम पुनः कार्यसम्पादन मूल्याङ्कन फाराम भर्ने र मूल्याङ्कन गर्ने सम्बन्धमा सङ्घीय मामिला तथा सामान्य प्रशासन मन्त्रालयले आवश्यक प्रकृया अगाडि बढाउने।सङ्कलित सम्पत्ति विवरण समेत जलेको अवस्थामा त्यस्तो विवरण सङ्कलन गर्ने निकायले पुनः सम्पत्ति विवरण भरी पेश गर्न सम्बन्धित व्यक्ति तथा पदाधिकारीहरूलाई जानकारी गराउने।
बिज्ञापन
यसअघि भरेको फारामहरू जलेपछि मुख्यसचिव र सचिवहरूको बैठकले निजामती सेवा ऐन तथा नियमावलीअनुसार ती फारामहरू पुनः भरी मूल्याङ्कन गर्ने प्रक्रियाअघि बढाउने निर्णयमा उल्लेख छ।
बिज्ञापन
संघीय मामिला तथा सामान्य प्रशासन मन्त्रालयले आगलागीमा नष्ट भएका मूल्याङ्कन फाराम पुनः भर्ने र मूल्याङ्कन गर्ने व्यवस्था मिलाउनेछ। साथै, जलेर नष्ट भएका सम्पत्ति विवरणको हकमा सम्बन्धित निकायले पुनः सम्पत्ति विवरण भरी पेस गर्नुपर्ने निर्णय मंगलबारको उक्त बैठकले गरेको छ।
बिज्ञापन
