नेपाल प्रहरीको ३२औँ महानिरीक्षक (आईजीपी) मा अतिरिक्त महानिरीक्षक (एआईजी) चन्द्रकुवेर खापुङ नियुक्त भएका छन्।
बिज्ञापन
प्रहरी ऐन र नियमावलीअनुसार प्रहरी महानिरीक्षक दीपक थापा यही १८ गतेबाट अनिवार्य अवकाशमा जाने भएसँगै आज बिहान वालुवाटारमा बसेको मन्त्रिपरिषद् बैठकले पहिलो वरीयतामा रहेका एआईजी खापुङलाई महानिरीक्षक बनाउने निर्णय गरेको हो।
बिज्ञापन
प्रधानमन्त्री केपी शर्मा ओली भोलिदेखि नै चीन भ्रमणमा जाँदैछन् र उनी १८ गते मात्रै फर्किने कार्यतालिका छ । सोही कारण साता दिन अघि नै नयाँ आईजीपी नियुक्ति गरिएको हो। नवनियुक्त आईजीपी खापुङले भदौ १९ गतेदेखि कार्यभार सम्हाल्नेछन्।
खापुङले २०५२ कार्तिक २७ मा प्रहरी निरीक्षकको नियुक्ति लिएका थिए । खापुङ एसपी हुँदा हेडक्वार्टरको कर्मचारी प्रशासन शाखामा बसेर काम गरेका थिए भने एसएसपी हुँदा उपत्यका अपराध अनुसन्धान कार्यालयको कमाण्ड सम्हालेका थिए । यस्तै उनी आईजीमा उनले कोशी प्रदेशको कमाण्ड गरेका थिए । खापुङ यसै वर्ष वैशाख १६ मा एआईजीमा बढुवा भएका थिए ।
उनीसँगै एकै लटमा भर्ना भएकाहरुमध्ये पहिलो लटमा २०५१ चैत ५ मा नियुक्ति लिएका ५३ जना मध्येका वसन्त कुँवर आईजीपीबाटै अवकाशमा गइसकेका छन् । दोस्रो लटमा नियुक्ति लिएका दीपक थापा कुँवर पछि आईजीपीबाट अवकाशमा जाँदैछन् । तेस्रो लटबाट खापुङ आईजीपीको एकल प्रतिस्पर्धीको रूपमा देखिएका थिए । सरकारले उनैलाई प्रहरीको ३२ औं महानिरीक्षक नियुक्त गरेको हो ।
बिज्ञापन
