सार्वजनिक खरिद अनुगमनको कार्यालयले एकै पटक २२ वटा निर्माण कम्पनी (ठेकदार)लाई कालोसूचीमा राखेको छ ।
बिज्ञापन
कार्यालयका अनुसार, सम्बन्धित सार्वजनिक निकायहरूले ती कम्पनीहरूलाई कालोसूचीमा राख्न सिफारिस गरेका हुन। जस अनुसार सडक डिभिजन नुवाकोटले मात्र ६ निर्माण कम्पनीलाई कालोसूचीमा राख्न सिफारिस गरेको छ । ती कम्पनीहरुमा टेम्पा नुर्बु तामाङ मुख्य व्यक्ति रहेको गरिबी उद्धार ज्ञानेन्द्र घले एण्ड कुमार निर्माण सेवा, रेव कुमार पौडेल मुख्य व्यक्ति रहेको गौरीगाई निर्माण सेवा, रसुवा निर्माण व्यवसायी संघका अध्यक्ष समेत रहेका राजु तितुङको लोबेन निर्माण सेवा, नबिन घले मुख्य व्यक्ति भएको मनकामना कन्स्ट्रक्सन प्रालि, सानुमाया लामा मुख्य व्यक्ति भएको शिलाकन्या देवी कन्स्ट्रक्सन प्रालि र गोसबहादुर तामाङ मुख्य व्यक्ति भएको लाङलाङ मानेज्यार्सा जेभी छन् ।
बिज्ञापन
सेटिङ मिलाएर ठेक्का पार्ने तर काम पूरा नगर्ने रसुवाका ५ सहित २३ निर्माण कम्पनी कालोसूचीमा पर्न लागेका हुन । जसमा पूर्व उर्जामन्त्री पूर्णबहादुर तमाङको कम्पनीलाई समेत कालोसूचीमा राख्ने प्रक्रिया अगाडि बढाइएको छ ।
ती व्यवसायी तथा आपूर्तिकर्ताहरूलाई यसअघि नै ३० दिनभित्र लिखित स्पष्टीकरण पेस गर्न पत्र पठाइएको थियो। तर हालसम्म स्पष्टीकरण नआएपछि पुनः सूचना सार्वजनिक गरिएको हो। सार्वजनिक खरिद नियमावली, २०६४ को नियम १४९ को उपनियम (४क) बमोजिम जारी गरिएको यो सूचनामा ७ दिनभित्र स्पष्टीकरण नपरेमा सम्बन्धित कम्पनीहरू कालोसूचीमा पर्ने छन्।
बिज्ञापन
यस्का अलवा पूर्व राज्यमन्त्री पूर्ण बहादुर तमाङको कान्छाराम कन्स्ट्रक्सन कालोसूचीमा राख्न प्रक्रिया अगाडि बढेको छ । ग्रामिण सडक सन्जाल सुधार आयोजना ललितपुरको सिफारिसमा पूर्व ऊर्जा राज्यमन्त्री पूर्णबहादुर तामाङकाृे कम्पनी कान्छाराम कन्स्ट्रक्सन कम्पनीसँग पनि सात दिने स्पष्टीकरण मागिएको छ ।
सार्वजनिक खरिद अनुगमनको कार्यालयले चितवनको भरतपुर महानगरपालिकाबाट कालोसूचीमा राख्न सिफारिस भएको रामशरण बुढाथोकी र ज्ञानुप्रसाद चौलागाई मुख्य व्यक्ति रहेको एमएस वर्ल्ड वाइड धुलिखेल जेभी बानेश्वरसँग पनि सात दिने स्पष्टीकरण सोधिएको छ ।
सडक डिभिजन इलामको सिफारिसमा तिमल्सेना निर्माण सेवा पाँचथरलाई पनि सातदिने स्पष्टीकरण सोधिएको छ । यो कम्पनीको मुख्य व्यक्ति सुदन अधिकारी हुन् ।
यस्तै तेजबहादुर लिम्बु मुख्य व्यक्ति भएको आरटी निर्माण सेवा सुनसरी, मैना शाही मुख्य व्यक्ति भएको विनम्र निर्माण सेवा सुर्खेत, राकेशप्रसाद जायसवाल मुख्य व्यक्ति भएको जायसवाल कन्स्ट्रक्सन धनुषा, कुवेर लम्साल मुख्य व्यक्ति भएको तुल्सी इन्जिनियरिङ कन्स्ट्रक्सन प्रालि काठमाडौं, राजेश कुमार कुँवर मुख्य व्यक्ति भएको वाई पीरविकास एण्ड ब्रदर्शरआत्रेय जेभी काठमाडौं, रामकुमार थापा मुख्य व्यक्ति भएको लोहनीरआत्रेय जेभी शंखमुल काठमाडौं पनि कालोसूचीमा राख्न सिफारिस भएकाले सात दिने स्पष्टीकरण मागिएको छ ।
रमेश आचार्य मुख्य व्यक्ति भएको र बूढानीलकण्ठ नगरपालिका १० काठमाडौं ठेगाना भएको मेडिवेल फार्मेसी प्रालिसँग पनि सातदिने स्पष्टीकरण सोधिएको छ । यो कम्पनीलाई कालोसूचीमा राख्न भनेर शिवालय गाउँपालिकाको कार्यालय जाजरकोटले सिफारिस गरेको छ ।
नेपाल वायु सेवा निगमको साधारण सेवा तथा सम्पत्ति व्यवस्थापन विभागले कालोसूचीमा राख्न सिफारिस गरेको प्राप्ती इन्टरप्राइजेज काठमाडौंसँग पनि स्पष्टीकरण सोधिएको छ । यसको मुख्य व्यक्ति जीना थापा हुन् ।
यस्तै खड्गप्रसाद अमगाई मुख्य व्यक्ति भएको अनिवार्य बिल्डर्स प्रालिसँग पनि स्पष्टीकरण सोधिएको छ ।
नेपाल दूरसञ्चार कम्पनी लिमिटेड केन्द्रीय कार्यालयको सिफारिसमा एम एस जिन्यु टेक्नोलोजिज र शहरी विकास मन्त्रालयको ग्रामिण सडक सन्जाल सुधार आयोजनाको सिफारिसमा एमरएस छोङछिङ इन्टरनेसनल कन्स्ट्रक्सनसँग पनि स्पष्टीकरण सोधिएको छ ।
यस्तै ओमप्रकाश यादव मुख्य व्यक्ति भएको दिनकर कन्स्ट्रक्सन प्रालि, ध्रुवप्रसाद भट्टराई मुख्य व्यक्ति भएको न्यू डि.पी. निर्माण सेवा काठमाडौं र तुल्सीराम कोजी मुख्य व्यक्ति भएको कोजु इन्जिनियरिङ एण्ड बिल्डर्स काठमाडौंसँग पनि सात दिने स्पष्टीकरण सोधिएको छ ।
