बिज्ञापन

बिज्ञापन

बेमौसमी र बाह्रैमास कर्मचारी सरुवाका हुँदा संघीय मामिला तथा सामान्य प्रशासन मन्त्रालय बदनाम बनेको भन्दै पछिल्ला चार- चार जना मन्त्रीहरुको कार्यकालको शुरुवातमै कर्मचारी सरुवासम्बन्धी नयाँ मापदण्ड बनाइएको छ । एउटा मन्त्री परिवर्तन हुन्छन्,उनलाई अगाडिको मन्त्रीले बनाएको कर्मचारी सरुवा मापदण्डमा चित्त बुझ्दैन र फेरि नयाँ कार्यदललाई अगाडि सारेर मापदण्ड बनाइने लाजलाग्दो दृश्य पछिल्लो तीन चार बर्षदेखि सामान्य प्रशासनमा देखिइरहेको विकृतीको अर्को रुप हो यो । यही विकृती र विसंगती रोक्न भन्दै कर्मचारी सरुवा मापदण्ड बनाइने उद्घोष हुन्छ,कतिपय मन्त्रीहरुले मापदण्ड पनि बनाएका छन् तर मन्त्री परिवर्तन हुने वित्तिकै पूर्व मन्त्रीको समयमा बनेको मापदण्ड चित्त बुझ्दैन र पुन अर्काे मापदण्ड बनाउने काम चल्दै आएको छ ।

संघीय मामिला तथा सामान्य प्रशासन मन्त्रालयले कर्मचारी खटन पटन पारदर्शी बनाउन भनेर मापदण्ड बनाएको बनायै छ । यस अघि अमनलाल मोदी मन्त्री हुँदा पनि मापदण्ड बनाइएको थियो । तत्कालीन सहसचिव बलराम रिजालको संयोजकत्वमा गठित सरुवा सम्बन्धी मापदण्ड समेत कार्यन्वयनमा आउन सकेन । यसरी सरुवाको मापदण्ड बनाउने काम अमनलाल मोदीकै समयमा शुरु भएको हो । बीचमा अनितादेवी, भानुभक्त जोशीले समेत कर्मचारी सरुवा मापदण्ड बनाए । अनिता देवी मन्त्री हुँदा उनले अहिले सम्पत्ति शुद्धीकरणतिर पुगेका सुमन दाहालको अग्रसरतामा सरुवा मापदण्ड निर्माण गरेकी थिइन । उक्त मापदण्डलाई राजकुमार गुप्ताले कार्यन्वयन गरेनन् । अहिले नव नियुक्त मन्त्री न्यौपानेले समेत पूर्व मन्त्रीहरुले झैं मन्त्रालयका सचिव र महाशाखा प्रमुखलाई बैठक राखेर कर्मचारी सरुवाको मापदण्ड बनाउन लगाएकी छिन्,उक्त मापदण्ड अन्तिम चरणमा पुगेको र सरुवा मापदण्ड निर्माण भएपछि र्कचारी सरुवा विधि र प्रक्रियाबाट मात्र हुने दावी गरेकी छिन् । उनले मन्त्री, सचिव र सहसचिवलाई भनसुन गरेर कर्मचारी सरुवा अन्त्य हुने समेत दावी गरेकी हुन ।